2054208194886930964305459023536687124329124620425345324432245227212526005525430010231005910972575227800005423858567245242500231905922702611555

11/10/2017

امرأة تصنع النجاح وتتحدى الأزمات بالعزيمة والإرادة


 المجلة بنتى وحياتي وروحي اللي بتنفس بيها.. 
محدش هياخد اكتر من نصيبة ..
 لو بصيت لغيري هفضل في مكاني..
 زوجي هو الدعم والسند الاول في حياتي..
حوار / سامح عبده
استطاعت أن تتفوق علي أزمتها المريرة وصراعها الطويل مع المرض، لتتحول قصة ألمها الي قصة نجاح عظيمة لسيدة قوية، استطاعت أن تثبت نفسها ليس فقط علي المستوي الشخصي، ولكن أيضا علي المستوي المهني، فقد أسست إلي نفسها عالم بدء صغير، ولكنه مع الوقت نمي وتطور إلي أن أصبح عالم كبير ملئ بقصص النجاح....

حوار مع الكاتبة الصحفية / مها نور 
في البداية برحب بحضرتك وسعيد جدا إن حضرتك لبيتي الدعوه وبشكر حضرتك على الثقة الغالية دي

 حدثينا عن دخولك إلي عالم الصحافة ؟ 
الصحافة بالنسبة لي كانت حلم منذ الطفولة كنت وأنا طفله بحب اكتب شعر وأالف قصص والدتي كانت دايما تجيب لي قصص صغيره عشان تشجعني علي القراءة وقالت لي لو كتبتي حلو هبعت قصصك للمجله ينشروها هي وقتها كانت بتضحك عليا لكن كلامها شجعني وبد أ ت اكتب وادخل مسابقات في المدرسه واخد المركز الأول وكنت بتمني إني ادخل كليه إعلام لكن للأسف مجموعي مكانش يصلح ودخلت كلية التجارة وفضل الحلم جوايا إني أكون صحفية ومذيعة راديو ومرت الأيام واتجوزت ونسيت الحلم في زحمة الحياة


وكيف كانت البداية ؟
 البداية الحقيقىة بدأت بعد ما حصل في حياتي زلزال كبيرالزلزال ده كان المفروض اما يدمرني او يرجعلي قويتي اللي كانت تايهه مني أنا مريت بفتره صعبه من حياتي وهي ان ربنا اكرمني بمرض السرطان وأنا بقول اكرمني لأنه فعلاً ده اللي حصل حياتي كلها اتغيرت قررت اني اثبت لنفسي إن الحياة منتهتش ظهرت بالصدفة في حياتي انسانه مكنتش اعرفها عرفتها عن طريق الفيس بوك هي اللي شجعتني اني ارجع أكتب من تانيزي زمان وفي يوم صحيت الصبح لاقيتها عامله لي موقع وسيباه علي الشات مفاجأة مكنتش فاهمه ايه ده ولا هعمل فيه ايه فضل تعلمني خطوة خطوه وسعت ان الموقع يكون عليه دعم من جوجل ادسنس وكل ده كان هديه منها ومن غير ما نشوف شكل بعض لحد ما تعلمت ومن هنا بدأت رحلتي مع الصحافة وبدء اسمي يتعرف وأكتب في صحف وجرائد كبيره زي الجمهوريه واليوم السابع وإنفراد وروز وغيرهم ولسه هفضل اقاوم طول ما فيا نفس 




وهل الصحافة هواية أم دراسة ؟ 
زي ما قلت في السابق هي كانت هوايه انا خريجة بكالوريوس تجارة إدارة أعمال يعني مجالي ملوش اي علاقة بالأدب والصحافه لكن أنا مع الوقت اثقلت موهبتي اكاديميا وأخدت كوراسات صحافة عشان اقدرأكون ملمة بالمجال

وماذا عن دور زوجك في حياتك العملية؟ 
زوجي هو الدعم والسند الأول في حياتي الشخصية والعملية من غير وقفته جنبي ودعمه وحبه وأيمانه بي مكنتش قدرت احقق أي شئ من أحلامي 



من هو اكثر شخص دعمك وساندك إلي الأن ؟ ربنا، ثم زوجي وناس كتير قابلتها في حياتي كل واحد منهم ساعدني بطريقة مختلفه أنت مثلا أستاذ سامح بتساعدني كتير بإجتهادك وحبك لمجلتنا اللي هي بيتنا كلنا 

هل حضرتك قدرتي تكسبي من الصحافة مال ؟
 أنا من أول ما بدأت المجلة من 7 سنين مكنتش بفكر إطلاقا في مبداء الربح ولا اعرف ازاي اعمل ده يمكن انا بصرف عليه كتير علي اد مقدرتي وكأنها بنتي ولكن الفترة دي أنا بتمني أني اكسب منها عشان أسعد واعوض كل اللي بيشتغلوا فيها بتقدير مادي بجانب المعنوي وكمان عشان أقدر اكبرها ويكون لها إسم مؤثر ومسموع اكتر


لماذا توجهتي نحو مجال الإعلام والصحافة دون غيره من المجالات؟
 لأني بحبه ولقيت نفسي فيه أنا بحب الكتابه جدا وبالذات فن الحوار الصحفي وحابه استمر فيه لاني بالفعل حققت فيه نجاحات انا راضية عنها حتي الأن

- وراء كل عظيم امرأة .. الجملة دي تفسيرها ايه بالنسبه لكي ؟
 بزوجي طبعا ووقفته جنبي من اول يوم عرفت فيه اني مريضة بالسرطان لولا وقفته في ضهري مكنتش قدرت أكمل وأكون بينكم دلوقت



-من باطن الألم يخلق النجاح ... الجملة دي ليها موقف في حياتك؟

 أنا دايما بقول من رحم الألم يولد النجاح وبحس فعلا ان الكلمة دي بتلخص كل حياتي اللي عشتها دايما وجود الالم في حياة الانسان بيصنع منه أنسان قوي وناج

ما هو دور المنافسين في حياتك العملية؟
 كتير لكن أنا دايما بحاول ابص لشغلي لاني لو بصيت لغيري هفضل في مكاني ومش هتقدم ولا خطوه 

هل يوجد لديكي اعداء؟
 حتي لو في مش عايزه اعرف خليني بس حاسه بالناس اللي بيحبوني وبيدفوني بحبهم وتشجيعهم لان هما دول سبب نجاحي وقوتي 
على حياتك الشخصية ولماذا؟ مقدرش انكر إن كتير بقصر مع اولادي وزوجي بسبب الشغل 


هل قدمتي بعض التنازلات في بداية مشوارك في الصحافة؟
 لا طبعا لاني مدخلتش المجال عشان اوصل لشئ معين سبحان الله انا كنت بحس ان ربنا بيحبني لانه كان بيوصلني لكل شئ بمجرد اني افكر فيه وبدون ما اسعي ليه نصيبنا مكتوب عند ربنا ليه نخسر نفسنا او نتنازل واحنا نسيبنا معروف ومكتوب من قبل ما نتولد محدش هياخد اكتر من نصيبه

ماذا تمثل لكي مجلة سحر الحياة؟
 بنتي وحياتي وروحي اللي بتنفس بيها هي الشئ اللي بيخليني حاسه اني لسه عايشه وقادره اني افيد غيري 




ما شعورك عندما تم تكريم مجلة سحر الحياة في أكثر من مناسبة وعلى اكثر من منصة تكريم؟ 

أنا والمجلة اتكرمت كتير جدا ومن اماكن كبيره زي مؤتمر السلام الدولي التابع للأمم المتحدة وغيرهم لكن يوم ما اتكرم اعضاء فريق المجله كان بالنسبة لي اعظم تكريم في حياتي كلها كنت فرحانه بفرحتهم اكتر شئ كنت عايزه انهم يكونو فرحانين ويفتكرو اليوم ده بعد ما امشي من الدنيا ويدعولي



واخيرا تشرفنا بوجود حضرتك معانا اسعدنا
 كلمة أخيرة من حضرتك للمجلة ربنا يوفقنا كلنا ونحقق كل احلامنا ويوفقك كل انسان بيحلم انه ينجح وبيتمني الخير لغيره
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين