2054208194886930964305459023536687124329124620425345324432245227212526005525430010231005910972575227800005423858567245242500231905922702611555

2/28/2018

للمتزوجين فقط



بقلم هبه حسن
علاقات كتير اتعدمت وماتت بسبب إن طرف فيها مش (لماح) بشدة ع الميم 
هيحصل إيه في كل صباح تقول لزوجتك صباح الخير ياحبيبتي والكلام للزوجة بردو ؟؟
هيحصل إيه لو قلتلها بعد كل أكلة عملتها تسلم إيدك بدون ماتطلب منك رأيك حتى في الأكل
هيحصل إيه لو فاجئتها كل فترة بوردة ولا شوكلاته اي حاجة بسيطة تفرحها ماهي طفلة في الأساس؟؟

هيحصل إيه لو أهلها بقوا أهلك وبرتهم زي أهلك تمام ؟؟
هيحصل إيه لو سبتها يوم في الشهر ع الأقل تعمل حاجة بتحبها تخرج مع صحباتها مثلا.. ؟

هيحصل إيه لو عملتلها ميزانيةمن شغلك لو هي مبتشغلتش وانت قادر علي دا ولو هي بتشتغل تساعدها علي الإستقلال المادي بإنها تحس بالتعب اللي بتتعبه ع الأقل ؟؟

هيحصل إيه لو دعمتها في حياتها ومجالها ودراستها لو بتدرس وكنت خير سند ودعم لها ؟؟
هيحصل إيه لو عاملتها كما عامل سيدنا النبي زوجاته وساعدهم في شئونهم المنزلية دا عمره ماهيقلل منك بالعكس بيزيد من رجولتك

افتكر كلام سيدنا النبي لما قال صلى الله عليه وسلم* "ما أكرمهن إلا كريم وما أهانهن إا لئيم"

انتي مبسوطة طبعا بالكلام دا تعاليلي هنا بقي هيحصل إيه لو اهتميتي به زي مابتهتمي بطفلك تقدميله الصبح الفطار أو فنجان القهوة بكل حب ؟ 

هيحصل إيه لو دللتيه واتعاملتي معاه كطفل صغير لأن فعلا الرجل ماهو إلا طفل صغير ؟

هيحصل إيه لو بطلتي تتكلمي عن سلبياته ونسيتي أي شئ إيجابي بيعمله ونسيتي كمان إن مفيش حد كامل ؟

هيحصل إيه لو رجع كل يوم لقاكي مالية الشقة طاقة حب وجمال ورقة منك وانتي بنستقبليه ؟؟
هيحصل إيه لو عاملتي أهله زي أهلك تمام وكمان ساعدتيه على برهم تبقي بنت أصول بصحيح ؟

وافتكري كلام سيدنا النبي لما قال صلى الله عليه وسلم:" ألا أخبرك بخير ما يكتنز المرء؟ المرأة الصالحة؛ إذا نظر إليها سرته، وإذا أمرها أطاعته، وإذا غاب عنها حفظته "

*متكلمتش عن الخياانة من الطرفين دي عاوزة مقالة لوحدها وهكتب لكم قصص واقعية وأسبابها ..

حاجات كتير عاوزة أكتبها من واقع كذا قصة قدامي ولناس قريبة مني ولكن حاولت أختصرها في الكلام دا وأتمنى أكون منصفة للطرفين 

ربنا يهدي كل زوجين ويرزقهم السكينة والهدوء لحياتهم 





التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين