2054208194886930964305459023536687124329124620425345324432245227212526005525430010231005910972575227800005423858567245242500231905922702611555

3/05/2018

"الفنانة أمل رزق"تتلمذت على يد العملاق محمود مرسي وزوجي إسماعيل كتكت آخر المنتجين المحترمين



نشأت في المنصورة وخريجة المعهد العالي للفنون المسرحية

 بدايتها في العائلة مع شيخ المخرجين اسماعيل حافظ ووحيد حامد ت

تلمذت على يد العملاق محمود مرسي

 تجربة آدم أهم وأجمل حاجة في حياتها واخذت عليه جائزة أحسن ممثلة وهو أقرب مسلسل إلى قلبها 

اسماعيل كتكت ربنا يرحمه تعتبره من أجدع واحسن وأصدق المنتجين

محمد سامي صمم إنها تعمل كوميديا 

الأمومة والأسرة كل حياتها 

الداعم الوحيد لها ربنا سبحانه وتعالى ما بتحبش حد يشوف دموعها ويطبطب عليها


ممثلة مصرية ، خريجة المعهد العالي للفنون المسرحية ، كانت بدايتها في تسعينات القرن العشرين من خلال الدراما التلفزيونية ،حيث شاركت في العديد من المسلسلات وأبرزها العائلة ، ليالي الحلمية ، للتتوالى أعمالها بعد ذلك ما بين السينما والتلفزيون وأبرزها( آدم،فبراير الأسود ،كلام على ورق) 
الفنانة الجميلة والرائعة/ أمل رزق

حوار :ريما السعد 
حديثنا عن بدايتك ونشأتك ؟ 
نشأتي من المنصورة أنا من المنصورة نفسها كنت بمدرسة راهبات للعائلات المقدسة المختلط 
كنت بشارك في مسرحيات المدرسة كان عندنا حاجة في المنصورة اسمها قصر الثقافة كنت دايما بشارك في الحاجات التي فيها وكنت بطلع دايما الأولى على فريق التمثيل في المدرسة

كيف كانت بداياتك في التمثيل ؟ 
بدايتي كانت في مسلسل " العائلة " مع شيخ المخرجين اسماعيل حافظ ووحيد حامد، وبعدين اشتغلت عملت السيرة الهلالية، و " ولاد الأكابر "، مع عدد كبير من المخرجين، الأستاذ جمال عبد الحميد " قيود من نار "، مع محمد ياسين " أفراح القبة "، ومع محمد أمين،

حديثنا عن دورك وتجربتك في مسلسل آدم ؟ 
تجربة آدم كانت تجربة من الحاجات المهمة التي اعتبرها أهم حاجة في حياتي التعامل مع تامر حسني ، هو كان أول تعامل معاه هو و محمد سامي المخرج الكبير ، الدور كان مختلف بيتكلم عن كل ست مصرية في البيت ، كان له طابع خاص وإحساس خاص والوقوف مع ماجد المصري كان رائع طبعا ، الجروب كله بيشتغل من قلبه فكلنا كنا روح وحدة ودا اللي عمل الاحساس دا 
لما توقفي امام ممثل كبير بتاخذي وبتدي معاه ، وكمان اما يبقى روح الناس الي حواليكي كويسة المخرج كان بالنسبة لي علامة محمد سامي طلع حاجات جواية انا مش عارفاها وله الفضل

على يد من تتلمذت أمل رزق ؟ 
انا خريجة المعهد العالي للفنون المسرحية ، اشتغلت مع الأستاذ اسماعيل عبد الحافظ ، أول حاجة اللي هى في ورشة المعهد كان مسلسل العائلة مع العملاق محمود مرسي فدا كان درس بالنسبة لي برضو تتلمذت على ايدو بس مع الأستاذ الله يرحمه اسماعيل عبد الحافظ هوا إلي علمني تمثيل ويعني إيه اقف قدام الكاميرا

ماسبب انجذابك للمشاركة في فيلمك الجديد ( أهواك ) ؟
فيلم (أهواك ) كان حاجة مختلفة ، أنا ما عملتش كوميدي قبل كدا ، والأستاذ محمد سامي كان مصمم إني أعمل كوميديا بشكل جامد والحمدلله طلعنا من الفيلم ، الناس بتقول أمل بقت كوميديانه ، ثقتي في محمد سامي كبيرة جدا وإن أنا بحب تامر حسني جدا لانو أنا بعتبره الحظ بتاعي اشتركت معا في آدم وأخذت عليه جائزة أحسن ممثلة في سنتها فأنا بعتبرهم وجه السعد عليا والثقة في محمد سامي أكيد

ما رأيك في الأعمال السينمائية التي قدمت مؤخرا ؟ 
السينما من ثلاث سنين في أحسن حالاتها واحنا  بنعمل أفلام ان شاءالله يارب نوصلها عالميا وأنا حضرت على رأسهم السنة ديه وإلي انا اتفرجت عليهم فيلم الخلية مع أحمد عز فيلم رائع ويحمل كل معاني الجمال

الإغراء أقرب وأقصر طريق للشهرة والنجومية .. ما رأي أمل رزق بهذه المقولة؟
لا مش حقيقي طبعا، لان نجومنا الكبار ماعملوش أدوار إغراء غير بمنتهي الشياكة والادب، النجمة العملاقة هند رستم..انا مش مع المقولة دي خالص.

ماهي اقرب الأعمال الفنية إلى قلبك ؟
مسلسل " أدم " من احب الاعمال إلي قلبي.

هل ندمتي على أي عمل فني شاركتي فيه طوال مشوارك الفني ؟
مافيش عمل فني عملته ندمت عليه بصراحة الحمد لله،

هل واجهتي حروبا داخل الوسط الفني؟
ما خضت حروب خالص لأني إنسانة مسالمة وحبوبة ، وبحب الكل وكلهم بحبوني وبحبهم ، ماعنديش صغين لحد عشان أوقف بحروب ،وإذا كان في حاجات او في حروب دا يبقى من ورا ظهري وأنا معرفش عنها حاجة

هل زواجك من المنتج الراحل إسماعيل كتكت كان عائق ام دافع لدخولك المجال الفني؟
اسماعيل كتكت ربنا يرحمه ويحسن إليه ، هو من أحسن وأجدع وأصدق وهو آخر المنتجين المحترمين أنا بعتبره ، ربنا يرحمه 
وما بحبش أخوض في الموضوع دا كتير ، يعني لا ينفع أن أقول وهومتوفي كان عائق أو غير عائق ، هو تاج علو راسي وعلى راس اولاده


من الداعم الأكبر لأمل رزق ؟
محدش دعمني في حياتي غير ربنا عز وجل وبشكر ربنا وأنا في رضا

هل الزواج والأمومة كانوا عائق في مشوراك الفني ؟ 
الامومة اجمل حاجة في الدنيا وكل فنان لازم يدفع ضريبة ، يعني لو الأم شاطرة جدا وزوجة ناجحة جدا أكيد حتخرح من التمثيل

ماذا تعني لك الاسرة ؟ 
الأسرة أحلى حاجة في الدنيا 

بناتك لما وسما وحياة ماذا يعنون لك وهل احدهم احب الوسط الفني ؟ 
بناتي هما كل حياتي "لما" اشتغلت معايا في مسرحية، وبتمثل وعملت فيلم " عاصي نصر الله " وفيلم " الماء والخضرة والوجه الحسن "، وشاركت في بطولة مسلسل " عائلة الحاج نعمان ".

وجهي رسالة لمن ظلمك دون ذكر أسماء ! 
حسبي الله ونعم الوكيل

لو نزلت دموعك لمن تتركيها ان يراها ويطبطب عليكي ؟ 
لما بتنزل دموعي ما بحبش حد يشوفها ولا حد يطبطب عليا


ماذا يعني لكِ كل من ! 
محمود مرسي ... 
مدرسة وإحساس وبشكر الحظ وبشكر الظروف إني لحقت أمثل مع ودا من حسن حظي ،بقولو عني إني محظوظة لاني وقفت امام العملاق محمود مرسي 

تامر حسني .. 
أخ وصديق ونجم متصالح مع نفسه 
تامر حسني العطاء

محمد سامي ... 
أستاذ بيعرف يطلع إلي جواكي 
محمد سامي بيعرف يكتشفك



ماذا يعني الرجل في حياتك ؟ 

حاجة مهمة مش حننكر
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين