2054208194886930964305459023536687124329124620425345324432245227212526005525430010231005910972575227800005423858567245242500231905922702611555

4/26/2018

مش مطاوعني

مش مطاوعني

      محمود شحاته
    .........................

مش مطاوعني أفوتَك وأمشي
بعد ماعشنا سنين نتقاسم كل حياتنا
بعد ما كتبت إيدي فى إيدَك
شوق حكاياتنا
مش مطاوعني ، أثبَت روحي
وأقولها روحي إستني بعيد
فاتنا خلاص و أنا وأنتي تعالي
نعيش من تاني حلم جديد
ياما سِهرت أستنى دخولَك
شبابيك قلبي
والمس روحي بروحك 
وأقطف منها أتنفس حبي
ياما سئلت عنيك لو تشهد 
إننا واحد ولا نتفارق
لكن كنت ساعتها بتخطف ضحكة
كأنك واثق إن العمر قصير بيك 
وقدرَك قبل ما تكمل يوم فرحتنا
راح يناديك
مش مطاوعني
الملم صوري من ع الحيط 
وأعلق صورة
أنا مش فيها وأنت لوحدك 
جنب شريط
حتى الدار صعبانة عليها دخلتي 
وحدي لوحدي يوماتي
شافت أجمل أيام عمري عاشت
فرح وحزن حياتي
مش مطاوعني
أسيب الذكرى تعذب فيا 
تشق ضلوعي بجوعي لحبك
أنادي أهاتي تصبر طّلق ساعاتي
قبل ما أزورك وأسكن جنبك
رغم الخوف والرهبة ودق الرغبة
بيبان الروح
وقلبي النازف ، 
رافض ، حاذف ، صرخه بوح
قلبى لساة مش مطاوعني



إقرأ أيضا
مدير قسم الأدب و الشعر
علا السنجري
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين