2054208194886930964305459023536687124329124620425345324432245227212526005525430010231005910972575227800005423858567245242500231905922702611555

5/16/2018

نور جديد

نور جديد


عزة عز الدين

والنهارده يوم جديد
ونور جديد
مليته بقلبي غنا وتغريد
اتقابلنا بعد طول الانتظار
كان لقانا فرحة ولا ضي النهار
شافني بدر وشفته نجم
عاشني حلم وعشته علم
العيون بتنادي لسه عالعيون
والندا عالي وحايم فالغيوم
ااااهين وألف ااااااه
دي القلوب مش ساكته بس كاتمة
ضحكة رايحة وفرحة جايه
عدى طير النورس يشهد عاللي بيننا
على وردة ناعمة  يرويها اشتياقنا
البحر ضم ف رملته سر  لقلوبنا
سر لقمة اتقسمت وخلقت عهودنا
و صورة ورا صورة ندهت ذكرياتنا
الشمس نورها غنى حوالينا لأملنا
ونسمة هوا طايرة لمست خدودنا
شالت معاها لكل واحد فينا كلمة
كلمة واحدة بس كانت أحلى معنى
ورووووح م الجنة بيننا
 صافية وجميلة ليها قلب يحرسنا
سمى وسمى ولا قادر يودعنا
خايف علينا من فرقة توجعنا
داعي لقلوبنا تفرح وتتهنا
الايد ف حضن الايد
لحظة واحدة ضمتها
تحفظ مابيننا الوعد ترويه بأحلامنا
وكان السلام والابتسام مسك الختام
للي بروحهم ضللوا
على كل معنى للهيام.

إقرأ أيضا


مدير قسم الأدب و الشعر
علا السنجري
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين