مقدمة من / نور الحياة
وقت التحضير / 10 دقائق
وقت الطهي / 15 دقيقة
المقادير :
نصف كيلو كبدة بلدى طازج
رأس توم مقشرة
3 حبات فلفل ويفضل يكون حامى
معلقة صغيرة كمون
معلقة صغيرة كزبرة ناشفة
معلقة صغيرة فلفل اسمر
ملح حسب الرغبة
عصير ليمون
دهن ضانى مقطع قطع صغيرة حسب الرغبة
الطريقة :
– كبدة بلدى تكون متقطعة شرايح رفيعة او قوليلى للجزار عايزاها تقطعيه كبدة اسكندراني
– ننظف الكبدة بغسلها بسرعة جدا و عصرت عليها نص ليمونة
– نقشر رأس توم و نفرمها و ليمون مش كتير و زيت ملح و فلفل اسمر و كمون و كزبرة ناشفة
– نقلبهم على الكبدة ماعدا معلقة صغيرة
– في وعاء عميق و زيت غزير بس مش كتير اوى
– نضع دهن ضانى و معلقة من خلطة التوم تقلبيهم و بعدين يسخن الزيت تنزلى بالكبدة تتحمر و تستوى
– مش بتاخد وقت عشان ماتنشفش منك و تشد
– فى الاخر تكونى مقطعة قرن فلفل حامى تنزليه الزيت بس يتحمر مع الكبدة تحميرخفيف وتطلعيها على ورق مطبخ ينشف
و الف هنا على قلوبكم يارب
مدير تحرير قسم المطبخ بمجلة سحر الحياة / نيفين منصور
