كتبت الخالة وداد
وانا بلف لفتي المعتادة كده ياولادي علي الصحف والمواقع اذ بيا الاقي جدل حوالين فرضية الحجاب من عدمه…وفجأه تظهر دعوات ان قال ايه الحجاب مش من الاسلام!!!!
اومال منين يابو مخ اعوج انت وهي؟؟
لما اليهودية نفسها والمسيحية عندهم الحجاب او غطاء الراس
طيب بلاش ده..بما انكم بقي بتموتوا في التقليعات والتقليد للي في مجال الشهره
الفنانين في الحج بيلبسوا الحجاب ليه؟؟
طيب في الحج ولا العمره بيتلبس ليه لما هو لا فرض ولا من الاسلام ياظلمة!!!!!
يعني هو مش شعر الست ده زينة وممكن ووارد يثير الراجل خاصة النفوس الضعيفة!!!!
طيب يعني الحجاب الي بيستر كخه ومش فرض انما دعوتكم للصحوبية والمايوه والضحك المايص وخلخلة ثوابت الدين من الدين والشرع؟؟
الواحد حاسس انكم بتنبئو بمجئ دين جديد والله!!
والله وما ليكم عليا حلفان الناس دي اول ناس هتتبع المسيخ الدجال واول ناس هيتفرط من ايديها عقد الجنة .لانكم رغم الحوادث الي بتحصل حوالينا دي محدش بيتعظ
حسبي الله ونعم الوكيل فيكم
