إمبارح كان الهوا جاي بصفاااار
والتراب كان خانقني طول النهاااار
وكنت قاعده اقول يارب شوية مطر
يغسلوا الجو وينقوه م الغبار
والصبح بفتح الشباك لقيت مطر
فرحت وقلت الله !!!!!!! مطر!!!!!
وفجأه الجو راق والسما صفيت
وراح اللون الاصفر و جه الابيض
ف قلت أنزل أجيب فطار
زااااد الهوا ويا الأمطااااار
قلبي ساعتها م الفرحه طااااار
ورجعت طفله صغيره
خدني الهوا جابني الهوا
و شالي طــــار!!!
وشمال يمين ناس بردانين
و طيور تزقزق ع الأشجار
يـــانهـــاااااااار!!!!!!!!!
جو يجنن تحفه جميل
أمطار غزيره نسيم عليل
وفضلت ماشيه و اللآلئ نازله عليه
فرحانه جدا والجمال مالي عينيه
و بسرعه عدى الوقت عليه
جبت الفطاااااااار
ورجعت تاني كانت الشمس طلعت
هدى الهوا خلصت الامطار
كانت دقايق زي الحلم جميله حلوه
و المطر ويا الهوا قالوا أحلي غنوه
وعدي النــهــاااااااااااااااار
