حياة الفنانينعام

قصة عشق







قصة عشق قصة من قصص الحب والتضحية وانكار الذات قصة حقيقية لاتنين فنانين من الزمن الجميل طبعا كلكو عايزين تعرفو هتكلم عن مين انا هحكيلكم زمان كنت بحب اسمع اغاني كتير كنت بحب اوي اسمع لنجاة الصغيرة وعبد الحليم وفي يوم كنت بسمع اغنية اسمها لا تكذبي ممكن الشباب الجداد ميكونوش عارفينهابس القدام اللي زيي اكيد فاكرينها واكيد كمان ليهم زكريات معاها حبيتها اوي واثرت فيا ودا خلاني دورت وراها عشان اعرف ايه قصتها ومين اللي كتبها عرفت ان اللي كاتبها شهيد الحب ايوه شهيد الحب عارفين مين شهيد الحب 






هوكامل الشناوي كاتب الاغاني المعروف في الزمن ده كان كاتبها بسبب موقف حصل بينه وبين نجاة الصغيرة كان بيحبها اوي بس كان حب من طرف واحد 



في يوم كتبلها كلمة بتثبت فعلا انو مش عايز منها اي شئ غير انو يحبها وبس كتبلها” إنني لا أجري خلفك صدقيني و لكنني أجري وراء شقائي ” ، كان عارف انها ما بتحبوش ومع ذالك فضل وفي لحبه لآخر يوم في عمره ،ولما في يوم سألوه عنها وعن مكانتها عندو قال ” انها تحتل قلبي ، تتصرف فيه كما يحلو لها يمكن كامل مكنش وسيم لكن كان قلبه مليان بلحب والجمال والحنان اللي يملا الدنيا كلها



وفي يوم من الايام كان يوم عيد ميلادها نزل اشترى كل الهدايا اللي بتحبها و جهز المكان اللي هيسهرو في و علق الزينة وعزم الاصدقاء كل حاجه عملها بنفسه بروحه بقلبه و بعد ما اطفا الشمع اختارت نجاة وقتها يوسف ادريس هو اللي يمسك ايدها ويشاركهاتقطيع التورته ..الدموع اتحبست بين جفونه و خرج كامل من المكان مجروح و كإنها غرزت في قلبة سكينه حامية حاولت تفهمه ان مفيش اي علاقة بينها وبين ادريس وانو مجرد صديق
لاكن وقت ما شافها مع يوسف وهي بين اديه اتاكد انو ملوش مكان في قلبها اختفي فترة ورجع رفع سماعة التليفون وكلمها قالها مطلع اغنية كتبها جسد فيها صدمته ومعانة قلبه قالها” لا تكذبي ، إني رأيتكما معن ! ” .. ردت عليه ” الله حلوه اوي انا هغنيها ” و كان الكلام مش مكتوب عشان هي اللي تغنيه لاكن كانت هي السبب في
و لإنه مكنش يملك في ايده غير الكلمات كتب لغريمه يوسف ادريس اغنية ” حبيبها لست وحدك حبيبها ” اللي غناها عبد الحليم وقتها
كامل كان بيقتل نفسه بالتدخين والسهر وفي نفس الوقت بيكتب و لسة بيحب نجاة ، ولما حس باليأس استسلم للموت و قال وقتها” لم تعد الحياة كما كانت ، و لم أعد أنا أنا “
علي فكرة نجاة مكانتش قاسيه ولا هو يستحق المعاناه والالم اللي عاش جوا قلبه للاسف دي كانت.. ضريبة و لعنة الحب 

عارفين لما الست ام كلثوم قالت ” اللي صدق في الحب قليل ” أكيد كانت تقصده
ايه اللي عايزة اوصلهولكو من همستنا انهرده
ان الحب الحقيقي مخلاش كامل يتكلم عنها وحش، ولا إنتقم منها ، ولا عاقبها ، ولا اتدخل في حياتها، ولا أجبرها تحبه وترتبط بي، لما رفضت حبه ولاقال عنها أنانية انها مقدرتش حبه ، ولا حتي فكر يتجوز أي وحده عشان ينساها، ولا عرف وحدة واتنين وتلاته عشان ينتقم منها في صوره بنات حوا، زي ما كتير من شبابنا اليومين دول بيفكرو هو ، ده معنى الحب لا هو ده العشق أسمى درجات الحب إنك تعشق بدون أمل أو هدف لمجرد إنك تحب وتشوف سعادة اللي بتحبة حتي لو مكنش لك نصيب معاه المهم إنك في الأخر تكون انسان ورحل كامل وفي قلبة نجاة
بقلم مها نور


مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock