عاممقالات

يا كل أم وكل أب بقلم هشام الشاطر


بقلم: هشام الشاطر

يا كل أم وكل أب وله بنات

ضموا بناتكوا لصدركم

واسمعوا إحساسي

جايز يبقى صح

البنت بتدور ع السكون فيكم

فمبتلاقيش

فبتجري على حضن الشوارع كل يوم

تفرح وتضحك

وتقضي ليلها تكلم الضلمة في اوضتها عنكم

بس بطريقة كلها توبيخ ولوم

إنكم مبتسمعوش

وانكم لو هي ضحكت

يتملي البيت تريقة

ومتضحكوش

وأنها لو عينها مرة دمعت م الزعل

مبتسالوش

فمتشتكوش

م البنت لو طلعت عقد

ومبتحاولش تقولكم

إنها اصلا بتتعب

لما تغلط غلطة ممكن تتغفر

ومتغفروش

يا كل واحد قاللنا

إنتوا ليه عايشين حياتكوا لوحدكم

أو في الشوارع

البيوت دفيانة جداً

واحنا أصلا نفسنا

نعيش جوة منها

والشوارع برد جداً

بس بتصاحب قلوبنا

وعادي لو تسمع انينها

واحنا ناس

جوانا مليان بالزخم

والعيون من كتر أهوال الوجع

بتفضفض الروح بالبكا

فمبتلاقيش الناس تقرب منها

بالطبطبة

فالقلب قرر يكتفي عتاب البيوت

وماشافش يومها غير شوارع فاشتكى

#هشام_الشاطر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: