انهرده مش هنعمل اكل جديد كلو هيكون بايت تعالو نشوف مع بعض ازاي نستفيد من الاكل البايت في البيت
مكونات الاكله
رز بايت – اي نوع خضار عندك انا حطيت لوبيا – لحمه مفرومه معصجه – جبنه فلامنك او اي نوع عندك بيسيح – بشامل
اول خطوه بنحط نص كميه الرز البايتفي قاع الصنيه
وبعدين نوع الخضار اللي موجود عندك انا كان عندي لوبيا جربيها بالبسله بتبقا تحفه
وهنا حطيت باقي كمية الرز
وبعدين طبقه اللحمه المفرومه ممكن تستبدليها بفراخ مقطعه بردو بايته
انا كان عندي جبنه ايدام او فلامنك بدات تنشف رحت حطاها
نيجي للبشامل انا بعمله زي المهلبيه دا لبن وعليه مكعب ماجي
وبعدين جبت معلقتين دقيق ودوبتهم في شويه لبن وحطتهم علي باقي اللبن وقلبت بسرعه بدون اي دهون
دا شكلها قبل ما تدخل الفرن حطيت البشامل فوق طبق الجبنه
دا شكلها بعد ما استوت
ودي صوره اقرب ياريت ماتقطعيهاش اول ما تطلع من الفرن استني شويه تبرد عشان متتفككش منك
وبالهنا والشفاااااا
استنوني مع اكله جديده من اختراعات مطبخ بوسي
