عام

السكوت ممنوع


السكوت ممنوع
 
بريد القراء أعداد/هويدا صابر
 
أنك تستر علي عيب أنسان شئ جميل منك ودي أخلاقنا ومبادئنا ، لكن أي عيوب؟ ماهو أحيانا بيكون في كوراث من عيوب والكتمان عنها ممكن يتسبب في أذي أنسان ودمار حياته بالكامل وقتها السكوت ممنوع ، ماهو مش كل الأشياء تتقال ، ومش كل الأشياء يتسكت عليها ، زي المشكله دي.

دي مشكلة السائل ح ط:
 
السلام عليكم يا أستاذه مش هطول عليكي الموضوع بأختصار شديد ، أن في صديق مقرب ليه أتقدم للزواج من بنت أنا عارف أخلاقها كويس جدا ، البنت دي بتمارس الجنس مع أي حد مقابل الفلوس ومنهم أتنين أصحابي وعلاقتي بيهم قويه جدا أقوي من صديقي أللي هيتجوزها ولحد اللحظه دي وبعد مأرتبطت بصاحبي لسه مستمره في السكه دي ، فأنا متأكد من أخلاقها السيئه وأعرف بلاوي عنها كتيره وبالدليل ، وصديقي عارف أني أعرفها فسألني أيه رأيك في أخلاقها بصراحه معرفتش أرد ، وبصراحه أنا عايز أقوله علي الحقيقه وفي كتير من معارفي قالولي لازم تتكلم وتقوله ،لأن دي خيانه منك لصاحبك أنك تكون عارف سلوكها السئ والمشين وتسكت ، هل أنا أقوله فعلا؟
——————
السائل الكريم: 
 
 أنت لسه بتسأل تعمل أيه أتوكل علي الله وأنصح صاحبك لأن دي مهنتها وبتكسب منها فلوس وأكيد واخده علي دا بدليل أرتبطت بصاحبك ومازالت في طريقها عادي بكل جرأه دا داء وبلاء ، وأنت بتقول أنك متأكد والحجه علي الراوي ، وأعمل حسابك أن صاحبك هيطلب منك تأكد الكلام دا ، الستر علي الناس دا من أخلاقنا زي أنك تشوف حاجه علي حد بعينك وبدل متقول لكل واحد فلان فيه وأنا شوفت بعنيه تعمل أنك مشوفتش حاجه وتستر عليه ، لكن في حاجات مينفعش السكوت عليها لأنها ممكن تقلب بكوارث وفضايح بعد كده وعار طول العمر علي صاحبك وأولاده لو أنجبت منه ، فأنت تعمل أللي عليك وتبلغ صاحبك بالحقيقه بينك وبينه وفي هدوء وتحاول تهديه وتقنعه أن يتم الأنفصال من غير فضايح ، وربنا يحفظنا ويهدينا ويصلح أحوالنا جميعا

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock