كتب/غاده شبراوي
هي صاحبه السعاده فعلا واسمها وصفها بكده ارتبط باسعاد يونس الفنانه بطله الافلام الكوميديا مع الجميل سمير غانم وكنت من الناس اللي فاكراهم متجوزين وكبرت وكبر حبي ليها وابدعت هي وعملت لنا مسلسل مافيش حد في جيلي كان ممكن يفوت حلقه من بكيزه وزغلول واللي مايعرفش هي مؤلفه المسلسل وكنا بنكون في احلي حالاتنا واحنا بنتفرج عليها هي والمبدعه سهير البابلي وتمر الايام بحلوها وبمرها وتيجي تاني تسعدنا وتفكرنا بايام السعاده مع صاحبه السعاده ومع كل حلقه من حلقاتها اقول لها شكرا علي كل لحظه سعاده بنقضيها معاكي
صحيح طول عمري ااقول برنامج ناجح لازم اعداد ناجح بس مع اسعاد يونس غير كده اسعاد يعني برنامج ناجح وقررت انها تسعدنا في عز الزحمه والحر والسقعه وراحت جايلنا ببرنامج اذاعي وانت بتسمعها بتكون ضحكتك من ودنك لودنك التانيه وبكده بتشارك في نشر السعاده وسط الناس في الطريق مع الزحمه وغير انها بتبدأ يومك معاها بطاقه وسعاده غير عاديه
ولسه اسعاد اكيد مش هتسيبنا وهتعملنا حاجات تانيه وتقدر توصل لكل فرد وفي كل مكان وتسعده واحلي حاجه كمان انها مش بتنسي حد من فنانين الزمن الجميل حتي ولو شارك بادوار صغيره تلاقيها تفتكرهم وتسعدهم وتراضيهم انها صاحبه السعاده في قلوب المصريبن والوطن العربي شكرا لاسعادنا. غاده شبراوي
