شعر وحكاياتعام

بـلادى بعيدة..

كتب..شريف الهمامى

فاتح شباك قلبى ع الضرفتين


ماسك لجام لسانى بكلمتين

ماشيه بينا ياسكة ع فين
ياساقية لفى ودورى
لجل ماتروى ارضى العطشانه
ياأرضى عدى ع جذورى
ماانا روحى غرقانة
ياخطوة عدى وفوتى
دا انا ضلوعى همدانه
حزنى اشتكى منى
والحلم تاه ياما
فى عيونى والننى
وآه ياصمتى ياانا
ماشى بين جبلين 
وطريق مفتوحة
وبلادى بعيدة
وصوتى حباله مدبوحه
منين آلاقى ليكى طريق
وعنيكى كلها زحمة
ماانا الل فيكى غريق
وأيامى مش راحمه
لابسه لمين الطرحه
وانتى الل مقتوله
شيلى بداله الكفن
ياام العيون مشنوقه…

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock