بقلم / داليا طه
نعم انا عانس
كلمه بتوجعنى اوى لانى بسمعها طول الوقت مش بودنى بس لا وكمان بشوفها في عيون اللى حواليا ماحدش عارف ان بحس بايه ولا فارق معايا اد ايه كلامهم ولا طريقه طنط علانه وطنط فلانه وكانى بشتكلهم من حالى وعامله عمله ولاصحبتى اللى سنين عمري معاها وهى خايفه تقولى على جوزها او لو هى حامل تيجى وهى بتكلمنى تعدل كلامها لحسن اعرف حاجه مع انى ماسالتهاش على حياتها وعلى جوزها بس اهيه بتاخد حذر ولا خالتى اما تتباهى ببنتها جهزتها احسن جهاز واد ايه ان بنتها صغيوره وحلوه وعرسانها من هنا لهنا واخيرا اختارت الشاب اللى لو قالت كلمه يقولها شبيك لبيك وجبلها هدايا منين وبكام ولاتليفوناته لانه خايف عليها وبيغير من الهوا كانها قاصده تقولى انك وحشه وخلاص بورتى مش حيجيلك عروض زواج وتفضلي فيهم مين احسن واجمل واكرم وشقه فين وشبكه بكام ياخالتى انا فرحانه لبنتك لانك امى التانيه فرحانه لبنتك لانها اختى الصغيره اللى اول ماتولدت شيلتها على ايدي وبمصروفي كنت بجبلها توك وبحبها جدا ليه عايزه تشيلينى منها وليه طول الوقت حطانى في وجه مقارنه ومن خالتى لعمتى لاقلب لاتحزن كان ماما هى السبب وكان في مشكله فيه وفي اخلاقي اصلك طالعه زى امك مدب اصلك طالعه زى امك لسانك مش حلو اصل طالعه زى امك اصل اصل
… هى ماما ياعمتو لو كانت فيها العبر كان تيته وجدو وبابا راحوا بيتها واتقدموا ياعمتو ده نصيب اى والله نصيب كل واحد بياخد رزقه مش علشان بقول الحق ابقي مدب مش علشان بتمايص وبدلع يبقي ناشفه وماعنديش احساس انا بعرف افرق بين الجد والهزار والغلاسه عليا ياعمتو ماما حتعمل ايه عايزاها تفف على ناصيه شارعنا وتمسك صوره وتقول عروسه للبيع وعندها مؤهلات وعندها وعندها كفايا ياعمتو تقطيم سيبينا في حالنا اهو كل واحد شايل شيلته وانتى يااختى مش علشان ربنا كرمك وانتى الصغيره كل ماتشوفينى تحسسينى اننا مش خاله الاولاد وانى لاورايا عيل ولاتيل انا انسانه والله مش الفلبينيه اللى كل ماتشوفينى تبقي عايزه تتخلصي من عيالك عن طريقي عايزه تستغلينى في مشاويرك في شيل حاجاتك في مذاكرتهم في تنظيف بيتك ياحبيبتى اذا كنت بعمل كده حب فكرتي تسعدينى زى مابحاول اسعدك كل مابشوفك حاولتى تسمعينى لو لحظات انى مخنوقه ومحتاجه حد يطبطب هديتينى في لحظه قولتيلي عارفه انك تعبانه محتاجه احب واتحب محتاجه بليل بعد مااشتغل ويهدنى الشغل انام في حضن حد ويطبطب عليا عرفتى بعامل عيالك وبيبهدلونى وبيبهدلوا برستيجى وببقي فرحانه لانى مفتقده كلمه مامه يااختى الدنيا نصيب ورزق فاكره اما كنا بنسهر سوا فاكره اما كنا بنعمل مقالب في بعض فكره اما كنا بنلبس من بعض ونجيب حاجات زى بعض كل حاجه كنا بنتشاركها بس علشان انا اختك مش الفلبينيه انا فعلا بقيت بقضي كل وقتى في الشغل ولو حد قالى اشتغل فترتين علشان ماحسش باى حرمان
وعلشان ماشوفش وجوه الناس اللى بتلقح واللى بتمزمز وصعبانه عليها عدم زواجى او اللى بيخافوا يقولوا حاجه لحسن احسدهم اصحى وانام وبيجيلى وقت بقوم بنشاط زياده من كتر الالم ومشاعري اللى ببقي عايزه اديها لحد ومش عارفه انا انسانه ورافضه كلمه عانس ورافضه كلمه القطر الجواز سابقها لان انا مش دولا انا انسانه ليا كيانى وزى بحترم كل الناس وبحسس على مشاعرها احب ان اللى حواليا يحسسوا على مشاعري انا كمان مش احسن من زوج نكدى ولاعنيف ولا بخيل ولا كل مايشوفنى يقهرنى مش احسن من افضل افنى شبابي لولادى وفي الاخر يطلعوا عاقين وبيعملونى انا وابوهم وحش ولا اما يكبروا يطردونى من بيتى اللى بنيته بكل حب واروح دار العاجزه وانا بصحتى ليه ماتعرفوش اننا ببمتاز بحاجات وابتلائي في عدم زواجى وانى راضيه بكده ان يكون ده نصيبي اللى ادهولى ربنا بلاش نجرح بعض وافتكروا سيدنا الخضر اما قتل الغلام وسيدنا موسي استغرب واذاى ده طفل ولايملك من دنيا شئ غير براءته لان الله كان عالم ان الطفل اما يكبر كان حيكون عاق لوالديه ويقهرهم انا سيبه نصيبي عند ربي
… هى ماما ياعمتو لو كانت فيها العبر كان تيته وجدو وبابا راحوا بيتها واتقدموا ياعمتو ده نصيب اى والله نصيب كل واحد بياخد رزقه مش علشان بقول الحق ابقي مدب مش علشان بتمايص وبدلع يبقي ناشفه وماعنديش احساس انا بعرف افرق بين الجد والهزار والغلاسه عليا ياعمتو ماما حتعمل ايه عايزاها تفف على ناصيه شارعنا وتمسك صوره وتقول عروسه للبيع وعندها مؤهلات وعندها وعندها كفايا ياعمتو تقطيم سيبينا في حالنا اهو كل واحد شايل شيلته وانتى يااختى مش علشان ربنا كرمك وانتى الصغيره كل ماتشوفينى تحسسينى اننا مش خاله الاولاد وانى لاورايا عيل ولاتيل انا انسانه والله مش الفلبينيه اللى كل ماتشوفينى تبقي عايزه تتخلصي من عيالك عن طريقي عايزه تستغلينى في مشاويرك في شيل حاجاتك في مذاكرتهم في تنظيف بيتك ياحبيبتى اذا كنت بعمل كده حب فكرتي تسعدينى زى مابحاول اسعدك كل مابشوفك حاولتى تسمعينى لو لحظات انى مخنوقه ومحتاجه حد يطبطب هديتينى في لحظه قولتيلي عارفه انك تعبانه محتاجه احب واتحب محتاجه بليل بعد مااشتغل ويهدنى الشغل انام في حضن حد ويطبطب عليا عرفتى بعامل عيالك وبيبهدلونى وبيبهدلوا برستيجى وببقي فرحانه لانى مفتقده كلمه مامه يااختى الدنيا نصيب ورزق فاكره اما كنا بنسهر سوا فاكره اما كنا بنعمل مقالب في بعض فكره اما كنا بنلبس من بعض ونجيب حاجات زى بعض كل حاجه كنا بنتشاركها بس علشان انا اختك مش الفلبينيه انا فعلا بقيت بقضي كل وقتى في الشغل ولو حد قالى اشتغل فترتين علشان ماحسش باى حرمان
وعلشان ماشوفش وجوه الناس اللى بتلقح واللى بتمزمز وصعبانه عليها عدم زواجى او اللى بيخافوا يقولوا حاجه لحسن احسدهم اصحى وانام وبيجيلى وقت بقوم بنشاط زياده من كتر الالم ومشاعري اللى ببقي عايزه اديها لحد ومش عارفه انا انسانه ورافضه كلمه عانس ورافضه كلمه القطر الجواز سابقها لان انا مش دولا انا انسانه ليا كيانى وزى بحترم كل الناس وبحسس على مشاعرها احب ان اللى حواليا يحسسوا على مشاعري انا كمان مش احسن من زوج نكدى ولاعنيف ولا بخيل ولا كل مايشوفنى يقهرنى مش احسن من افضل افنى شبابي لولادى وفي الاخر يطلعوا عاقين وبيعملونى انا وابوهم وحش ولا اما يكبروا يطردونى من بيتى اللى بنيته بكل حب واروح دار العاجزه وانا بصحتى ليه ماتعرفوش اننا ببمتاز بحاجات وابتلائي في عدم زواجى وانى راضيه بكده ان يكون ده نصيبي اللى ادهولى ربنا بلاش نجرح بعض وافتكروا سيدنا الخضر اما قتل الغلام وسيدنا موسي استغرب واذاى ده طفل ولايملك من دنيا شئ غير براءته لان الله كان عالم ان الطفل اما يكبر كان حيكون عاق لوالديه ويقهرهم انا سيبه نصيبي عند ربي
بقلم : داليا طه
رئيس قسم هو وهى : داليا طه
