شعر وحكاياتعام

السند


بريد القراء أعداد: هويدا صابر
لما تلاقي أقرب الناس ليك سند حقيقي بالفعل مش بالكلام ياه دي الدنيا مافيها وكفيل أنه ينسيك أحزانك مهما كانت لما تترمي في حضنه المفتوح ليك وتبكي وتصرخ وتعترض وتقول كل أللي نفسك كأنك بتقوله لنفسك ، الحمدلله علي نعمة السند.
دي مشكلة السائلة أ ن: 
أنا انسه 277 سنة كنت مخطوبه لزميلي في الشغل وأتفسخت خطوبتنا ، ومن وقتها وانا منهاره وحاطه كل همي في الأكل لدرجة أن الكل لاحظ زيادة وزني وشراهتي في الأكل ، وبابا وماما أتكلموا معايه أكتر من مره خوف عليه لأن الوزن زاد أوي وفي يوم بابا خدني في حضنه وقالي أنا عارف انك حبتيه لكن هو محبكيش يابنتي وهيعيش حياتي ولافارق معاه حاجه وهو أللي باعنا وهيخسر ، وأللي انتي فيه دلوقتي دي مشاعرك وأنا مقدرش أمنعك من أنك تاخدي وقتك لحد متنسي عيطي تعالي أخرجك أو أعملي أي حاجه بتحبيها مش همنعك أبدا ، لكن أوعي تهملي في نفسك وصحتك وكان بيبكي وبدل المره كلمني كتير وأنا مفيش فايده ، وسمعته وهو بيقول لماما أنا حزين عليها وأنا مش دايم لها ، لازم تفوق قبل متخسر نفسها ويفوت الأوان العمر بيجري وبالشكل دا هتسرق أحلي سنين عمرها بأهمالها لنفسها وحزنها ، أنا بقيت مهمله في نفسي أكتر وأكتر ومش قادره أعمل حاجه جديده ولا أرجع زي الأول ، ومش عارفه اعمل ايه؟.
————————
السائلة الكريمة: الدنيا مش زراير ندوس علي زرار ننسي ، ندوس علي زرار تاني نفتكر ، الحياة زي مافيها الحلو فيها الوحش وهنتصدم في ناس وهتخرج من حياتنا ناس متستحقش تكون فيها عشان لازم بكره أن شاء الله حياتنا هيكون فيها أللي يستحق يكمل معانا وأللي فيه خير وقيسي دا علي كل علاقتنا ، وأنتي محظوظه بأبوكي ضهرك الحقيقي وسندك في الدنيا أللي بيتألم علي ألمك وبيقويكي ومد أيده ليكي وبيقولك تعالي في حضني وأبكي أعملي أللي نفسك فيه ، الأب الكريم المثالي دا ميستهلش نظرة عطف وكرم منك معاه وتاخدي كلامه جد وتفوقي لنفسك وتقوي وترجعي تهتمي بنفسك تاني وبشغلك ، وسمعتي أبوكي وهو بيقول أحلي سنين عمرك تضيع بأهمالك عشان أيه ومين ، عشان أنسان أختار البعد عنك وباعك ومقدرش قيمتك ، أقوي وأستعيني بالله وأفتكري أن بنات قليله جدا أللي عندهم أب زي أبوكي ، دا أ ب تربية أن الأب يحتضن بنته ويكون صاحب ليها دا أكبر حمايه ليها من أي أنسان يفكر يلعب بمشاعرها ، أحمدي ربنا وخدي خطوه جد وأعملي وقفه مع نفسك وطمني أبوكي وأمك عليكي لأن وقتها هتتفتحلك كل أبواب الخير والسعاده وأكتر مبتتمني ، وربنا يصلحلك الأحوال ويهديكي لنفسك ولأهلك وييسرلك كل خير..

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock