عام

المفاجأة الكبري.



بريد القراء أعداد:هويدا صابر‏سكرتير رئيس تحرير البرامج الأجتماعية بقناة الحياة‏ 
الخيانه مالهاش أي مبرر لو حصلت من أحد الزوجين ، لو حياتك الزوجيه مش عجباك يتحاول تتفاهم مع الطرف التاني لحد ماتوصلوا لحل يرضيكم ، يا في الحل الأخير بعد متكون خلصت كل المحاولات الوديه وهو الطلاق ، لكن تستسهل وتخون وتبتدي تعاقب الطرف التاني بأهمالك ليه وتقصيرك في حقوقه دا أللي مش مقبول أبدا حتي لو الخيانه دي كانت مع ….؟ 
دي مشكلة السائل ح م:
أنا شاب عندي 26 سنه أتجوزت من 3 سنين من بنت جميله وكانت بتحبني وبتهتم بيه ومستقر في حياتي وماديا ميسور الحال ومفيش حاجه في حياتي غير شغلي وأهلي وبعد كده شغلي ومراتي ، هو كان في أعتراض من أمي وأبويه عليها وكانوا يقولولي بكره تندم العيله دي مش مناسبه ليك ولا لينا أنا أصريت أخدها ، أنا بسافر بأستمرار داخل مصر بسبب شغلي وقبل جوازنا قولتلها أنا أوقات كتير مش هكون متواجد معاكي والفتره أللي أنا موجود فيها هعوضك ، ومدة سفري مبتزيدش في أسوأ الأحوال عن 30 يوم وافقت وأنا معاك وسعادتي أني أكون زوجتك وأم أولادك وهكذا ، وأتجوزنا وكل مرجع من السفر بحس أنها مش طايقه وجودي في البيت وتتحجج في العلاقه الخاصه والحياه كانت كلها جحيم ومشاكل ولقيتها ماديه ، وخلفت بناتي التوأم بعد سنه ، وفي مره وأنا في شغلي زميلي وصديق عمري أللي طلق مراته كان بيحكيلي مشكلته مع طليقته ، أللي صديقي مر بيه مع طليقته هو أللي أنا بمر بيه مع مراتي هو هو السيناريو وقالي أنه أكتشف أنها علي علاقه بواحد غيره وبتقابله وهو مسافر وراقبها وعملها كمين مع عشيقها وكان معاه أبوها وأخوها وخوف علي مستقبله أتحكم في نفسه وطلقها ، أنا بعدها قررت أني أنزل فجأه وأشوفها بصراحه الفار لعب في عبي ، أستأذنت من شغلي بحجة أن والدي مريض وفي المستشفي وسافرت ودخلت البيت وألاقي أكبر صدمه في حياتي هي وصاحبتها في سريري مع بعض ، طلعت شاذه ، شافوني كأني هوا واقف ولا فرق معاهم وتقولي في أيه مالك شوفتني مع واحد رجل دي صاحبتي ، ممكن تتفضل معايه علي فكره لو عايز ولو صحبتي عجباك ممكن أسيبهالك عادي ، أنا سمعت أللي عمري متخيلت أني أسمعه أنا أبن الأصول والعيله ، محسيتش بنفسي غير وأنا نازل فيها تلطيش وقولتلها أنتي متقعديش هنا في بيتي دقيقه واحده ، خرجت وخدت البنات وطلبت الطلاق ، أنا مش عارف أعمل أيه لو قولت الحقيقه أبويه وأمي هيموتوا فيها حزن علي البنات أللي هتتربي مع واحده زي دي وهيقولولي قولنالك مصدقتش ، أنا عامل زي المشلول مش عارف أفكر أعمل أيه؟
السائل الكريم:
 أنا مش هقولك كان فين عقلك لما أهلك شافوا أنها لاتصلح للزواج منك ولا مناسبه ليك لأنهم طلعوا في الأخر صح يعني مش كل أللي الأهل احيانا بيكونوا شايفينه بيكون تعنت أو غلط للأسف بيكونوا شايفين كتيرأللي أحنا مش شايفينه ، أنت فعلا في ورطه كبيره ومحدش هيصدقك لو اتكلمت لأنك انت الشاهد الوحيد وأحتمال تقول أنك اتهمتها زور عشان تطلقها وتاخد حقوقها ورد فعلها معاك لما شوفتها فيه جرأه ومش فارق معاها ، وحلك الوحيد هو الطلاق طبعا بس قبل الطلاق ، لازم تتفاوض معاها عشان تاخد بناتك ، لأنها غير أمينه علي تربيتهم ، أنت من وصفك أنها أنسانه ماديه حاول تغريها بأي ماديات يكون المقابل ليها أنها تتنازل عن بناتها ليك ، ولازم تكون في منتهي الذكاء وملتزم الهدوء معاها وفي نفس الوقت متحاولش تبين ليها أن وجود بناتك معاها لاوي أيدك وأنت بتتفاوض معاها ، وصلها أنه مش فارق معاك ، مثلا تقولها تسيبهم مقابل كذا قالتلك لأ يكون ردك خلاص خليهم عندك وأصرفي عليهم لحد متوصل لحل ومتستعجلش هتتحل وهتاخد بناتك أن شاء الله ، وأستعين بربنا وأتوكل عليه ، وربنا ييسرلك الخير ويكون بناتك معاك وفي حضنك في القريب العاجل ويعوضك بأنسانه احسن منها.
متابعي بريد القراء
المشكله دي كانت من 5 شهور وصاحبها كان عايز الرد علي مشكلته بيني وبينه وحصل وتابعت معاه وبالفعل الفلوس كانت عندها أغلي من بناتها أخدت فلوس والعفش كله دا غير مؤخرها وحقوقها كامله وأتجوزت تاني يوم انتهاء عدتها ، وهو متابع بريد قراء “سحر الحياه” وطلب أني أعرض المشكله بالرد عليها وقتها وأعرف الناس أنها أتحلت ، ورسالته ليكم أن مفيش خاين يستاهل أنك تضيع مستقبلك عشانه وأن الأهل مش دايما رفضهم لشئ بيكون غلط منهم ، وأن كل شاب قبل مايرتبط لازم يفكر كويس جدا ويدور علي الأصل ويدور علي البيت أللي ستاته بتحترم رجالته عشان لما تحصل مشكله تلاقي رجل تتكلم معاه ، وتدور علي البنت أللي بتحبك لنفسك وتكون معاك في كل ظروفك وتكون ضهرك وسندك وجيشك.ياااارب تكون الرساله وصلت ، أنتهي.

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock