شعر وحكاياتعام

حاجات كتير باقيه

 بقلم إسلام عادل

فيه حاجات كتير باقيه 
م الصعب بينا تموت 
 الوحده مش شعارات 
ولا حتي ناس وبيوت 
 من يوم ما كنا عيال 
كتفك في كتفي ما زال 
الدين مكنش جدال 
الدين دا دين القلب 
نزرع سلام وايجاب 
من الصعب نطرح سلب 
 نتفقوا في التكوين 
 تجمعنا نفس الأرض 
 ولحد يوم الدين 
حبك يساوي الفرض 
الظلم موتنا
والقصه لمتنا
لو فيلمكم فتنه 
فالفيلم مش للعرض 
 فاتحين بيوتنا لبعض 
وقلوبنا وقت الجد 
في الشده نبقي جدار
م الصعب يوم يتهد 
 يجمعنا دعاء وصلاه
 والجمعه حاضنه الحد 
قام الصليب كبر
 وهلالنا قال ترانيم 
كل اللي بينا حياه 
ويجمعنا رب كريم 
 فاكر طابور العيش
 وهتافنا وقت مظاهره 
من غير وضوء وصلاه 
ارواحنا كانت طاهره 
وهزارنا في الأستاد
 ودعانا وقت النصر 
بنعيش عشان راضيين
ونموت فداكى يا مصر 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: