عام

صباح الخير يا جاري أنت في حالك وأنا في حالي.


بريد القراء أعداد : هويدا صابر.
زمان وأحنا صغيرين كنا بنشوف أن الجيره مشاركه ، وكل جار مع التاني في حزنه وفرحه ومرضه ، لدرجة أن بيوت الجيران في المناسبات بتكون كلها مفتوحه هنا بيتعمل حاجه وهناك حاجه تانيه بيساعدوا بعض بحب ومن غير أي أستغلال ، لكن للأسف الأيام دي الوضع أختلف لأن معظم تعاملاتنا بقي فيها أستغلال وعدم صفاء سواء جيره أو صداقه أو حب ، وتقريبا أغلب الوقت لازم نطبق مثل صباح الخير يا جاري أنت في حالك وأنا في حالي..
دي مشكلة السائله …..
مساء الخير أنا أم ….. لو سمحتم عايزه أعرض المشكله دى فى وهي تخص صديقه ليه ، كنت أنا روحت عندها أقعد معاها وبعدين جه أبن جارتها قالها ماما بتقولك عايزه تغسل الهدوم دى فى الغساله اللى عندك قالتله طيب ، وبنتها كانت تحت عند جارتها بتلعب معاهم المهم لقينا البنت طالعه تعيط بطريقه هستريه ، وكان السبب أن جارتها حطت الأكل لجوزها وللعيال علشان يتغدوا والبنت بعشم قعدت معاهم تأكل راحت قالتلها أطلعي فوق هو كمان حتقعدى تاكلى معانا أيه القرف دا ، فأنا قولت لصحبتى أنزلى وأتاكدى منها يمكن العيال ضربوها ولا أى شئ تانى ، فنزلت أنا وصحبتى نتأكد من الكلام دا ، لاقيناا جوزها طلع لينا وقالنا بلاش قرف منك ليها ولمى بنتك عندك ، وعيالى عمرهم ما كلوا عندك ولا بنطلب منكم حاجه ، فأنا اتعصبت عليه قولتله أيوه صح بأمارة الغسيل أللى لسه أبنك مطلعه دلوقتى عشان يتغسل وبأماره حاجات تانيه كتيرررر أوى وأدخل أسأل مراتك أللى خايفه تتطلع لينا ، فصحبتى قالتلى طب يلا نطلع وأنا ليه رد تانى على كل ده راحت مطلعه الغسيل من الغساله ورمته على السلم وقالت لأبن جارتها تعالى لمه ال….. دى مش ناقصه قرف منكم ، بعدها بشويه جوز صحبتى جه وخلاص قايمه أمشى لاقيته بيزعق مع مراته روحت قولتله أهدا الحوار كذا كذا ، قالنا أنتو متأكدين من كده طب خليكم هنا وأنا حتصرف ، وفعلا جوزها نزل تحت وقاله أنت بقا بتقول كذا كذا لمراتى طب هات الفلوس أللى أنت واخدها منى من أسبوع يالى بتقول كذا وكذا ، وللعلم صحبتى وجارتها دى دايما مع بعض فى كل حاجه ومش عارفه ليه عملت كده حتى كانت ترضى البنت الصغيره وأسفه أنى طولت عليكم..
——————–
السائله الكريمه : للأسف صحبتك غلط من البدايه ، أنها سابت بيتها مفتوح بالصوره دي وأيه السبب أللي يخليها تقبل تغسل لجارتها الغسيل هل عندها مشكله في الغساله مثلا ، المفروض كانت تعمل حدود في كل شئ مع جيرانها ، لكن لما يكون الجار في أزمه أو مشكله هنقف معاه أكيد ، وأللي بتقوليه دا أستغلال لصحبتك من جارتها ، والمفجأه جوز الجاره كمان سالف فلوس من جوز صحبتك ، ومع ذلك أتصرفوا مع طفله صغيره تصرفها كان عفوي بطريقه بينت النفسيات والأصل بتاعهم وقد أيه هما أستغلاليين ، دا في مثل بيقول لقمه هنيه تكفي ميه ، دي ناس أستغلاليه وناكره للجميل ، وصحبتك تقطع علاقتها بيهم وتكتفي بصباح الخير هي وجوزها وولادها مينزلوش عند الجاره دي لأي سبب ، المهم بقي ياريت علاقتنا تكون إلي حد ما في حدود مش عيب علي فكره العيب الأستغلال وأنا أسكت ، الحدود بتريح جدا وأللي في أزمه أساعده ، وهي أزمه وهتعدي مش كل يوم هيكون في طلب من نفس الجار وأنا أنفذه ، ماهو كل أنسان عنده ظروفه وحياته ومصاريفه..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: