سر الطبخةعام

كيك البرتقال بكراميل البرتقال

كيك البرتقال بكراميل البرتقال من مطبخ نيفين منصور
كيك البرتقال وصفة تقليدية محبوبة في المطبخ المصري و زيها زي اي وصفة بتخضع للابتكار و التغيير و التطوير و دة اللي عملته بحمد الله قدرت احولها من وصفة تقليدية لوصفة حديثة ممتعة و منعشة و تواكب تطورات العصر في عالم الكيكات و الحلويات
مقدمة من / نيفين منصور
مدة التحضير / 15 دقيقة
مدة الطهي / 35 دقيقة

المقادير :
كوب سكر
كوب عصير برتقال
كوب زيت
3 بيضات حجم كبير
فانيلا
كوب و نصف دقيق
بيكنج بودر
رشة ملح
الكراميل :
كوب سكر
كوب عصير برتقال
م ك زبدة
الطريقة :
– هنضرب السكر مع عصير البرتقال في الخلاط لحد ما نتاكد ان السكر داب تماما و ننزل بعد كدة بالزيت و نضربهم لحد ما يختلطوا
– نضيف البيض و نضرب بالمضرب و معانا الفانيلا طبعا لحد ما يعمل هوا كتير اوي
نخلط الدقيق مع الBP و نقلب بهدوء جدا من تحت لفوق عشان مش نخرج الهوا اللي في البيض
– وعشان نوع الدقيق بيختلف من مكان للتاني و من نوع للتاني هنعمل اختبار ال8 عشان نتاكد ان كيكتنا مظبوطة نبطن الصينية بالزيت و الدقيق و ندخل الكيك فرن 200 لمدة 10 دقايق و ننزلها ل 180 كمان 25 دقيقة من غير ما نفتح الفرن
نيجي للكراميل
– نحط السكر على النار و معاه ملعقة كبيرة مية
– نسيب السكر على نار متوسطة لحد ما يبقى لونه دهبي و ننزل عليه بعصير البرتقال و نقلبه لحد ما يدوب تماما
– اما نلاقي السكر داب ننزل بالزبدة و نرفعه على نار هادية جدا جدا جدا و نسيبه لحد ما يتقل و يتكثف معانا
– بعد الكيك ما يخرج من الفرن ننزل بالكراميل البارد عليه
( حاجة منهم تكون سوخنة و التانية باردة )
اقتراح للتقديم ,,,
جملتها بباتسيير البرتقال اضافت بعد تاني رائع للطعم
و الف هنا على قلوبكم يارب 

مدير مطبخ سحر الحياة / نيفين منصور

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock