سر الطبخةعام

طاجين الارانب على الطريقة المغربية

طاجين الارانب على الطريقة المغربية من مطبخ نيفين منصور

انا شخصيا بعشق الوصفات المغربية و بيعجبني تكنيك الطبخ المغربي و تركيباته و بهاراته جداااا

مقدم من / نيفين منصور

مدة التحضير / 20 دقيقة

مدة الطهي / 80 دقيقة

المقادير :

ارنب مغسول و منقوع في عصير ليمون

بصلة مقطعة جوليان ( شرائح رفيعة )

كوب زيتون مخلل مخلي

كوب ليمون مخلل

2 م ك عسل ابيض

التوابل ( ملح / فلفل / بودرة زعفران / حبهان و لورا مطحونين ناعم / كبابة صيني ناعمة )

ممكن تضيفي مكعبات جزر او فلفل رومي

زيت زيتون

الطريقة :

– نغسل الارنب كويس جدا و ندعكه بالملح و ننقعه في عصير ليمون ساعة

– نقطع الارنب ل 7 اجزاء

– نخلط البصل مع التوابل و العسل و ندعك البصل كويس جدا مع البهارات و نسيبه على جنب نص ساعة

– نحمر الارنب في زيت و نرفعه من الطاسة

– في نفس الطاسة نشوح البصلة تدبل فقط

– نسخن الطاجن في الفرن ( انا بسخن الطاجن عشان اتاكد ان حرارة الاكل مش تنزل تاني في الفرن لحد ما الطاجن يسخن و دة بيؤثر على جودة الطعم )

– نرص الارانب في القاع

– نحط الزيتون المخلل و فوقه الليمون المخلل

– ننزل بالبصل بالتوابل فوق طبقة الليمون و نغطي السطح تماما

– نغطي الطاجن بالفويل ( لاني مش عندي طاجين مغربي تقليدي )

– ندخل الطاجن الفرن ساعة و نصف

و مش قادرة اقولكم على جمال الريحة و الطعم لازم تجربوه ضروري جدا خالص

انا قدمته مع ارز ابيض و ملوخية بالارانب

و الف هنا على قلوبكم يارب

مدير مطبخ سحر الحياة / نيفين منصور

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: