كفتة الخضروات الغنية من مطبخ نيفين منصور
اكلي الخضروات لاولادك و خليهم يحبوها و يطلبوها كمان خليهم يستفيدوا بالفيتامينات اللي في الخضروات الفريش و كمان فوايد الشوفان و البروتين من اللحم وصفتي الخاصة و اختراعي اللي بفخر بيه جدا
مقدمة من / نيفين منصور
مدة التحضير / 20 دقيقة
مدة الطهي / 25 دقيقة
المقادير :
لكل كيلو لحم مفروم
2 جزرة
3 كوسة
1 بطاطس كبيرة
كوب شوفان
بصلة مقرومة ناعم
م ك بيكنج بودر
ملح و فلفل حبهان
الطريقة :
– نفرم الخضروات في الفود بروسيسور او نبشرها بالمبشرة اليدوي
و نخلطها مع اللحم
– نرجع نخلطهم تاني مع بعض ضربة بسيطة في الفودبروسيسور عشان نتاكد ان كله اختلط مع بعضه تماما
– نضيف الشوفان و البيكنج بودر و نخلطهم كويس
– نشوح البصلة في شوية زيت نونو و نستنى اما تبرد شوية و نضيفها لخليط الكفتة بتاعنا و نشكلها حسب الرغبة
– ندخلها الفرن لحد ما تستوي
و الف هنا على قلوبكم يارب
مدير مطبخ سحر الحياة / نيفين منصور
