شعر وحكاياتعام

حبيبته القديمة


بقلم  : هالة فتحي
حبيبته الجديده
يا حرفه اللي ظاهر في اخر قصيده
و لمعه عيونه اما بتكون سعيده
مانيش جايه ألومك
و لا ناويه اوقع
و لا حاببه ألصم في حبلي المرقع
و لا حتى حاكدب .. و اقول مش جريحه
لكن واجبي اهمس .. لقلبك نصيحه
بلاش تفتحيله في قلبك بيبان
و لا تسيبي شوقك في عينك يبان
و كوني القويه
عشان لو ضعفتي حتبقي الضحيه
و لو زاد هواكي
حينقص هناكي
لانه بيعشق يطول السحاب
كونيله البعيده
بشوق ع الحديده
حيتمنى قربك و ينسى الغياب
..
و كوني البخيله و كوني الكريمه
و صوني مشاعرك بدرجه عظيمه
و لو يوم لمحتي عينيه مش بتلمع
ف اوعي خيالك يقول : جت سليمه
..
لانك .. ساعتها .. حتبقي .. القديمه

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock