بقلم داليا طة
رسائل ربانيه (مها نور)
ايامك من ساعه ما تتولد لغايه اما تموت هى رسائل ربانيه وربنا بيعلم كل واحد ازاى يفهم رسالته في الدنيا ومش موجودين علشان كده وخلاص لا موجودين لسبب ناس بتعيش حياتها كلها
وهى مش عارفه سبب لحياتها وبتموت والناس ماتعرفش ليهم بصمه وناس تانيه بتحاول تدور على سبب وجودها وايه دورها في الحياه وهل هو متوقف على ابتلاء حصلهم او من غير ابتلاء بيدوروا حياتهم موجوده ليه واللى ربنا بيحبه بيبتليه وفي ابتلاءات سهله وفي ابتلاءات صعبه جدا بس ربنا عارف بيديها لمين ولمين ادها وفي ناس بتتمنى الابتلاء حتى يكونوا لله اقرب ولكن للاسف ربنا عالم بحالهم عنهم اه عالم بحالهم عالم ان في ناس عندها صبر
ورضا عند ابتلاءهم وفي ناس بيقعوا في فخ انهم راضيين ولكن من جواهم ناقميين ماينفعش تطلب الابتلاء علشان ماحدش يعرف انه يقدر يصبر ويرضي ولا لا بس مع الابتلاء ربنا بيديك رسايل رسايل من ناس زيك ناس بسيطه مش شرط ناس مشهوره ولا بقدر من التدين لا ناس جواها رضا ناس ربنا اما حبهم حبب فيهم خلقه ناس وشوشها راضيه رغم ابتلائها بتضحكلك رغم الالم بتساعد رغم انها ممكن تكون مش بتتحرك من مكانها كلمتى دايما محتاج بيساعد محتاج كلنا محتاجين نساعد بعض نقف جنب بعض نحب بعض ساعات الهموم بتتراكم والتعب بيتراكم وتحس انك مخنوق وعايز تعتزل الحياه بكل مافيها وساعات تلاقي نفسك بتتمنى الموت في وقت ناس متمسكه بعز قوتها في الدنيا وحباها
ومن هنا وهنا تيجى الايه الكريمه “ان بعد العسر يسرا” وتلاقي ربنا بعتلك شعاع امل او انسانه جايبلك رساله من عند ربنا قوم تانى واقف واصمد واصبر انت موجود
لرساله الرساله اللى جاتلى في الوقت ده كانت (( مها نور ))فعلا رجعت من تانى اقف واصبر واحتسب لعلى اكون رساله لحد اخر وانا بقولك قومى واقفي واصمدى واحتسبي كل لحظه الم بتمري بيها فانتى رساله لكل امراه
مدير قسم المراة داليا طه
