شعر وحكاياتعام

لسه الأمل


صائغ القوافي الشاعر 

فهد بن عبدالله الصويغ 
كل كلمة كنت بقولها ليك
كنت بسمعها في قلبي عليك
كنت مش شايفه غير حبك
و لا سامعه غير قلبي بيناديك
بقيت مش شايف غير نفسك
ولا حاسس عمل فيا إيه جرحك
جرحت قلبي و حرقتني بظلمك
و أنا لسه لدلوقت هامنني خاطرك
صبرت كتير و لسه عندي فيك أمل
جرحتني كتير ولا عارفه ايه العمل
ليه إتغير في يوم وليلة قلبك
يا ريت تقولي ايه بس اللي حصل 
سنين و أنا قلبي بيداري فيك 
وأيام وليالي تغلط وقلبي يراضيك
ليه مش حاسس بعذابي و ظلمك
ليه مابقيتش أشوفني في عينيك
ياما عشان الحب إتحملت أساك
وياما دموع عينيا حلفت تنساك
لكن أعمل إيه القلب لسه بيحبك
و هو اللي بيتحكم في هواك
حبيت النار والعذاب حبيت أيامنا
نسيت كل اللي فات عشان أحلامنا
كل داه ياحبيبي عشان بحب قربك
إتحملت ولسه بقول الطريق قدامنا
مدير قسم الأدب والشعر

علا السنجري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: