شعر وحكاياتعام

مايستاهلشى


بديع ثروت

انا اكتر من فهم الكلام
انا أكتر من دَرَس الحقيقة
عشان كده داخل انام
هاقفل البيبان عليا
الحقيقة كانت بريئة
لما كانت متدارية
الحقيقة كانت هيا
الدموع اللى ف عينيا
ساعة الأحزان ماتهجم
ساعة الأفراح ماتلضم
ويا ضحكة تايهة منى
ساعتها بس بقدر اعرف
ابكى يعنى وللا اغنى
ساعات بس يعرف ابكى
و تقدر الدموع عليا
ساعات يعنى اقدر افرح
ويرسم ضحكى خطوط كفوفى
ساعتها يعنى بقدر افهم
ان كونى هو خوفى
وانى منيش عايش ف غابة
وان غابتى
كانت ساكنة جوه منى
والوحوش الساكنة فيها
دايمأ كانت من صناعتى
والحياة الراضى بيها
هى حاجتى ونوع بضاعتى
عشان كده فهمت الكلام
عشان كده قفلت البيبان
لجل ماادارى منى وشى
واعترافى لى وحدى
إن خوفى مايستاهلشى


مدير قسم الأدب والشعر
علا السنجري


مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: