أدم وحواءعام

أضرار البطاطس المقلية


سالي سليمان ؛ 
شيف شطورة

كتير مننا بيحب البطاطس المقلية وهي منتشرة في محلات الأكل السريع و حتى المطاعم الفاخرة بشكل كبير،  و اوقات كتير بنلجأ لها في البيت كمان لو مزنزفين في الوقت و عايزين اكلة سريعة 
لكن كثرة تناول البطاطس المقلية في الزيت الغزير قد تؤدي الي عدة مخاطر  لكونها مليانة كمية كبيرة من الدهون المشبعة والسعرارت الحرارية اللي الجسم مش بيعرف يتعامل معاها و بيضطر يفرز كمية كبيرة من الانسولين لمحاولة هضمها بشكل كامل مما يرهق الجهاز الهضمي و في النهاية بيحولها لدهون متراكمة على الكبد و القلب و داخل الشرايين 


والدهون التي توجد في البطاطس بتهدد صحتنا بخطر الاصابة بالسمنة وقد اثبتت الدراسات ان الدهون الناتجة عن قلي البطاطس من اسباب تلف الخلايا العصبيه في المخ و ده بيسبب قلة التركيز و قلة الاستيعاب و التحصيل الدراسي  وايضا تعمل على رفع مستوى الكوليسترول في الدم و بالتالي ده بيؤدي الي خطر الاصابه بامراض القلب والاوعيه الدمويه وتسبب السكته الدماغيه ومرض السكر خاصة في الأطفال , وايضا تحتوي على كربوهيدرات زيادة عن حاجة الجسم للأطفال و الكبار 
ومن اضرار البطاطس المقليه إضافة الملح بكثرة لان الملح قد يؤدي الي ارتفاع في ضغط الدم والذي يؤدي الي ارهاق الكلى والقلب 
بالإضافة أن بعض الدراسات الحديثة أشارت إلى أن كثرة تناول المقليات و خاصة البطاطس يؤدي إلى الإصابة بسرطان القولون 
واخيرا يجب الاعتدال في تناول البطاطس المقليه وعدم الافراط في تناولها حفاظا على صحتنا من الاصابه بالامراض المتعدده والخطيرة  الافضل استبدالها بالبطاطس المحمرة في الفرن بمعلقة زيت واحدة مع اضافة التوابل المحمصة اللذيذة 

البطاطس المحمرة في الفرن

هنقشر البطاطس و نغسلها و نقطعها فصوص زي فصوص البرتقال مثلا 
نحطها في طبق عميق و نصب عليها مية مغلية و معلقة ملح كبيرة و نسيبها في حالها 

بعد ساعة نصفيها و ننشفها بفوطة كويس
لازم ننشفها كويس 

نحضر صينية مبطنة ورق زبدة و نحط فيها البطاطس
 نرش عليها ملح و فلفل و زعتر و بابريكا و معلقة كبيرة زيت (ممكن كمان ذرة بودرة زعفران عشان تدي لون حلو)
و نعمل للبطاطس مساج حلو كده بالتوابل و الزيت
عايزين كل البطاطس تتبل كويس بعدها نفردها في الصينية بحيث مايكونش البطاطس فوق بعض 
 ندخلها فرن سابق التسخين على اخر رف تحت
بتاخد حوالي نص ساعة و ممكن أقل حسب الكمية 
ممكن نحتاج نشغل الشواية آخر عشر دقايق لو حسناها محتاجة لون محمر و قرمشة اكتر 


                    رئيس قسم هو وهى : 
                      داليا طه

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock