سر الطبخةعام

ارز بييلا بالجمبرى


مقدم من / نجلاء النجار 

مده التحضير / ساعه 

مده الطهى / 30 دقيقه

المقادير :
بصله كبيرة مبشورة 
1 فلفل أخضر مكعبات 
1 فلفل أحمر مكعبات 
فص توم مفروم ناعم 
1 طماطم مبشورة 
أرز مغسول ومنقوع ومصفى 
ربع ملعقه صغيرة فلفل اسود 
ربع م ص بهارات مشكله 
ربع م ص قرفه 
نصف م ص كمون 
نصف م ص سكر 
فص حبهان 
ورق لورا 
فص مستكه 
نصف م ص جنزبيل 
ملح 
الطريقة :
– نضع حله على النار ونضع بها الزيت يسخن ونضع البصل المبشور 
-نضع التوم المفروم ونقلب حتى ياخد اللون الغامق بس إوعى يتحرق 
– بعد اللون يغمق نضع البهارات والفلفل ونقلب ونضع الطماطم المبشورة ونقلب دقيقتين كده
– نصفى الأرز بقى ونضعه على الخليط ده ونقلب حتى يسخن ونضع الملح والماء المغلى ونقلب ونغطى عليه ويترك يسوى في الجمبرى 
الجمبرى بقى يقشر وننزع منه السلسله الرمليه الخطير 
المقادير 
كيلو جمبرى اى حجم بتبله 
بصله صغيرة مبشورة 
2 فص توم مفروم ناعم 
حوالى ربع كوب بقدونس وشبت مفروم ناعم 
عصير نصف ليمونه 
رشه سماق ودى إلى بتعطيه اللون الجميل ده 
ربع م ص فلفل 
ربع م ص كارى 
ربع م ص كركم 
ربع م ص زنجبيل 
ملح 
الطريقة
– نخلط المقادير دى بقى على بعضها ونتبل فيه الجمبرى حوالى نصف ساعة او أكتر 
– طاسه على النار ونضع بها زيت يسخن كويس ونضع الجمبرى ونقلب وهينزل ميته نسيبه ونقلب على نار عاليه لحد ميتشرب ميته وهياخد حوالى عشر دقايق على النار ولونه هيكون زى اللون الجميل إلى فى الصور ده ويقدم مع الارز بالشكل إلى فى الصور أو ممكن نضع فى بوله كام جمبريايه ونضع عليها طبقة من الارز وبعدين نضع طبقه جمبرى وطبقه أرز ونقلبها فى طبق التقديم وكمان نرص حول الأرز جمبرى 
و الف هنا على قلوبكم يارب
مدير مطبخ سحر الحياة / نيفين منصور

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock