حياة الفنانينعام

“سومه القاضى” فنانه الباتشورك وتطريز الجوخ

ماما شجعتنى جداً ووفرت لى الخامات والوقت
بحلم يبقى عندى براند وفريق عمل كبير.
كنت بحب اصمم اشكال مختلفة من اى خامات تكون متاحة.



حوار : غاده محسن ابراهيم
عقده الخواجه مريض بها الكثيرون ،فكل ما هو مستورد فى عيون البعض لابد ان يكون افضل .
مع العلم أن صناعتنا المصريه يمكن أن تنافس الأجنبى بقوه وتتصدره .
فنانتنا تمكنت من فعل هذا بفنها .
عرفينا عليكى يا فنانه فى بعض السطور؟
سومة القاضى مصممة مشغولات يدوية مختلفة و هوم اكسيسورى و تخصصت اكثر فى مجسمات الباتشورك و تطريز الجوخ
متى بدأت عندك الموهبه الفنيه ؟وما هى مراحل تطويرها؟
أنا بحب الرسم و شغل الهاندميد من صغرى و كنت بحب اصمم اشكال مختلفة من اى خامات تكون متاحة عندى و كنت بفرح جدا لما اعمل صندوق خشب و الونه او الون الدولاب و السرير و ارسم اشكال على الحيطان و كمان الصوانى النحاس و الكوبايات الزجاج و اطباق الصينى لكن للاسف كملت دراستى و شغلى فى مجال مختلف و من حوالى ٣ سنين قررت انى ارجع اشتغل هاندميد وابتديت اطور فى شغلى و ادور على افكار جديدة و اكتر حاجة شدتنى هى الباتشوورك بس انا اشتغلته بطريقة مختلفة و ابتديت ارسم بيه لوحات فنية بالقماش على القماش و فعلا لقيت استحسان من الناس و اشادة بالاختلاف و جودة المنتج اللى باقدمه
من قام بتشجيعك وتنميه هذه الموهبه عندك؟
ماما شجعتنى جداً ووفرتلى الخامات والوقت
هل قمتى باعطاء كورسات تعليميه؟
عملت كورسات اونلاين وديه فادت جدا الستات و البنات اللى من برا القاهرة او اللى ظروفهم مش بتسمح يخرجوا وكورسات عملى وديه بتفيد جدا فى ان المتدربة توصل لمرحلة الاحتراف

ماهى طموحاتك الفنيه؟
اتمنى يبقى عندى فريق عمل مدرب على اعلى مستوى و نقدر نحافظ على جودة منتجنا و نسوق شغلنا داخل مصر و بعد كدة نفكر فى التصدير
اتمنى يبقى عندى فريق عمل مدرب على اعلى مستوى و نقدر نحافظ على جودة منتجنا و نسوق شغلنا داخل مصر و بعد كدة نفكر فى التصدير


هل تستشيرى ابناءك فى اعمالك الفنيه؟
طبعا باخد رأيهم و الحقيقة كل واحد فيهم ليه وجة نظر مختلفة وحس فنى مختلف عن التانى وانا باستفيد منهم و من رايهم و بنفذه
وفى نهايه حديثنا تتمنى ايه وتوجهى الشكر لمين؟
ان شاء الله بحلم يبقى عندى اكتر من براند و فريق عمل كبيرباشكر اسرتى كلها و كل اصحابى و اخص بالذكر يثرب اكتر حد شجعنى ووقف جنبى و ساعدنى بوقت و مجهود من اصحابى و ان شاء الله مكملين اقوى فريق عمل

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: