حياة الفنانينعام

“أحمد عزت”مسلسل سابع جار اظهر قدراتي التمثيلية ووالدتي علمتني ان البنت متفرقش عن الولد



 التمثيل بالنسبة لي قدر اكتر منه حلم

كنت متوقع أني معرفش اعمل كوميدي



احمد حلمي لانه بيقري وبيكتب وبيمثل وكمان رسّام





حوار مها نور

وجه بشوش بملامح هادئة و ابتسامة راقية ، متعدد المواهب فهو مذيع وفنان التمثيل هو عشقه وحلمة الكبير الذي يسعي لترسيخ اقدام به 

البداية كانت في مسلسل نوايا بريئه، لكن الإنطلاقة الحقيقية كانت في مسلسل سابع جار ، معكم الفنان الشاب أحمد عزت


*الفنان الشاب أحمد عزت هل التمثيل كان حلم من الصغر؟



** هو بالنسبالي قدر اكتر منه حلم ودلوقتي بقي حلم .. الفكره باختصار ان حصل موقف ف أولي ثانوي هو اللي خلق جوايا فكره التمثيل رغم أني كنت خجول جدا الحقيقه أني اشتركت ف مسرح المدرسه بالصدفة فمن ساعتها الموضوع بقي يشدني اكتر أني اعرف اكتر واكتر وده خلاني اخد ورشه تمثيل مع أستاذ احمد كمال وأستاذ محمود حميده ومن هنا بقي الموضوع حلم مهم جداً ليا






*متي تحقق الحلم ؟وكيف؟ 



** أنا بعتبر الحلم لسه متحققش بالنسبة اللي ارضي عنها لأني ف بداياتي وبعافر عشان أحققْه واعتقد هيتحقق الحلم يوم ما يبقي إسم أحمد عزت الممثل معروف وأدواره موجوده ومختلفه 



*هل واجهت صعوبات في دخولك إلي مجال الفن جعلتك تفكر للحظة في الإبتعاد عنه ؟
** الصعوبات الحقيقه ظهرت بالنسبالي ف ٢٠١٤ لما قررت أني لا مش هكمل المجال صعب وعايز علاقات و و و فأنا اشتغل اَي حاجه وأمري لله بس اكتشفت وقتها لما نزلت اجرب اشتغل حاجه تانيه أني بتعب ف حاجه مبحبهاش ومش ممتعه ليا فقررت اسافر وللأسف الدنيا كانت سهله بس حصل انها من عند ربنا اتعطلت فده بالنسبالي كان علامه ان لا مش بتاعك السفر وبعدين فكرت مادام كدا هتعب وكده هتعب ما اتعب وأحاول ف اللي بحبه احسن والحمد لله بعد القرار ده ب٣ شهور كنت بعمل برنامجي علي قناه المحور


*لك اربع اعمال تليفزيونية والجميع كنت تؤدي فيهم دور المذيع هل كانت صدفة؟
** هما الحقيقه ٥ اعمال منهم ٣ دور مذيع بس كل واحد مختلف عن التاني وفكره اختياري كمذيع جت نتيجه شغبي كمذيع ف قناه المحور ف الفتره دي وليا عملين تانين ادوار عاديه
هل عملك كمذيع لفترة اضاف لك في تجاربك التلفزيونية؟
** جدااا لانه علي الأقل اداني المساحه ف اول مسلسل نوايا بريئه أني اشتغل دراما وأذيع لكن باداء الممثل 
*حدثنا عن تجربتك الجديدة في مسلسل سابع جار ؟
** الموضوع كان حلو اوي ليا لانه بالنسبالي اظهر قدراتي التمثيلية خصوصا أني كنت متوقع أني معرفش اعمل كوميدي ده غير النقلات اللي ف الشخصيه ف ده كان ممتع ليا أني العب ف المساحه دي كممثل

*ما هي رؤيتك كفنان للإعلام المتواجد حاليا ؟
**الاعلام دوره حيوي لانه ف الأغلب هو عين المشاهد لفهم الأمور الغريبه عنه او اللي مش مفهومه بالنسباله فمن الطبيعي انه ينقل الصوره الحقيقيه بدون زيادات وهميه او حتي تقليل يتفه الموضوع
*من وجة نظرك هل يقوم الفن الأن بتأدية الدور الحقيقي له ؟
** ف الفتره الحاليّه بقي بنسبه كبيره بيوصل رسايل مهمه وحقيقيه ف الواقع بتاعنا وكمان خرجنا من نوعيه الافلامً اللي بتعتمد علي مطرب ورقاصه غزه ف حد زاته مهم وحتي الدراما خدت مواضيع مؤثرة واجتماعية واقعيه من حياتنا وده كان غائب عنا فتره

*من هو أفضل فنان في مصر والوطن العربي بالنسبة لك ؟
** ف مصر من الفنانين المهمين اللي بالنسبالي هو مش ممثل فقط هو احمد حلمي لانه بيقري وبيكتب وبيمثل وكمان رسّام ومش اَي حاجه يعملها وخلاص هو بيختار المواضيع المتخلفه اللي تضيف ليه ولجمهوره

*ما هو الدور الذي تتمني أن تؤديه مستقبلاً؟
**الحقيقه انا عايز أدي كل الأدوار مش حاجه معينه لكن انا تحديدا بفضل الأدوار المركبه اللي فيها اكتر من بعد مش يبقي زي ما بيبدا زي ما ينتهي 
*من من المخرجين تتمني العمل معه ؟ ولماذا؟
** المخرجين المهمين والشاطرين مش كتير وأحب اشتغل مع شريف عرفه وعمرو عرفه ومحمد يس وخالد مرعي يمكن دول اكتر مخرجين بيعرفوا يطلعوا اللي هما عايزينه من الممثل بدون ما الممثل يحس انه بيعمل مجهود بيبقي بشكل طبيعي جدا
*رأيك في المنتجين المتواجدين الأن علي الساحة هل يعطون الفنان حقه ؟
** طول ما الفنان لسه ملوش اسم كبير ممكن يبقي مطمع للمنتج ف فكره انه يتنازل عن أجر يهدر حقه ع الأفيش ف مساحه الدور لكن ف شركات بتتعامل مع الممثل الصغير زي الكبير مفيش اَي اختلاف ودوّل الشركات القديمة اللي ليها باع كبير من انتاج إعداد كبيره من الاعمال 

*هل تؤمن بمقولة ” وراء كل عظبم امرأة ” ؟
** طبعا انا يمكن معشتش ده ف حاله ارتباط او جواز لكن عيشته ف بيتي عن طريق ولدتي لان مادام هي آمنت وصدقت ان ابنها يقدر يعمل الحاجه اللي هو عايزها يبقي هو اكيد هيوصل نتيجه دعمها ليه بكل الاشكال
*ماذا تمثل المرآة في حياة الفنان الشاب أحمد عزت؟
** يكفي ان أقلك ان ولدتي علمتني ان البنت متفرقش عن الولد. اَي شيء. وان اوقات كتير بتتفوق عليه وهي من الأركان الأساسيه ف حياتي الحقيقه وان اللي أتربي علي أيد ملكه زي أمي اكيد هيقدر ويحترم كل امراه
*موقع كلمة الندم في حياتك ؟
**لما فكرت اسيب المجال واعمل اَي حاجه تانيه دي كانت اكبر غلطه 

*ما هو الموقف الذي تود لو عاد بك الزمن ان تمحيه من ذاكرتك؟
**لما ف يوم اترفضت ف اوديشن لمسلسل هبه رجل الغراب واتصرفت بشكل صعب شويه لأني مفهمتش السبب لكن حاليا فهمت انه كان عندهم حق 
*وجه رسالة إلي شخص ظلمك بدون ذكر اسماء ؟
**هوصل للي عايزه مهما كانت التحديات لأني شايف انا عايز أوصل لمكاني فين 
*وجه رسالة لشخص ساندك في تحقيق حلمك؟
** كل واحد وقف جنبي بكلمه حتي شكرًا ليك ومشواره هو مشوار النفس الطويل ولسه مكمل 

سؤال بعنوان أكمل…..
السياسة …..مش بتاعتي
الكورة .…. تحدي ممتع
هوايتي المفضلة ….. الرسم والرياضة بأنواعها والتمثيل طبعا
القراءة.… الكتب الفلسفية والسيكولوجيه
الأمان ….. لما أوصل لحلمي
تجربتي مع دلال عبد العزيز….. أستاذه جميله جدا وساندتني كام فعلا ف التصوير 
يدعمني كثيرا…. اهلي طبعا ف المقام الاول وطموحي اللي بيشدني لو كسلت او احبطت

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: