شعر وحكاياتعام

مدرسة الحياة




نجلاء فتحي عزب 

خليك نبيه
وافهم بقا
من غير دروس 
عيش الحياة
بكل صبر
بلاش فلسفة
ولا فلحسة
هي كدا مدرسة
الحياة
إنصت إسمع
شوف و اتذكر
اللي قبلك 
من سنين 
مرت عليهم 
ظروف كتير
يوم تاخدهم
لفوق ويوم تحدفهم
في بير
أوعك تغرك يا أمير
وتنسي أصلك
كان من طين
وتنسى ليه 
فيها أتخلقنا
مش علشان
نلعب ونفرح 
ولا ننسى ولا نسرح
لأ عشان ربك كبير
يقصد نعامله
معاملة فيها 
بر و خير
صلي وصوم
زكَّي وثور 
على كل شر 
وكل بور
واحيى الضمير 
ابني جسور
سهل أمور 
وهية دي معنى السعادة
نعبده حق العبادة
ونخاف من يوم
مش بعيد حسابنا فيها
يكون عسير
اوعى تغضب فيها أبوك
واوعى تقسى في يوم على أمك
مهما كانت الضغوط
انت بارضو مش يهمك
أنت أد المسئولية 
وربنا معاك يساعدك
والمساعدة مش عادية
إسمعني بقا في اللى جاية
لو هتاخد بالك من اختك
اوعى تنسى كمان أخوك
دى دنيا منفاتة يابني
واسمع للي بينصحوك
الكلام يكون موزون
بعد ماتفكر تقول
مفيش أحسن مالأصول
هي دايما اللي باقية
واوعى تحيد في يوم منها
واللي مالوا زمان عنها
زالت نعمة القبول
خليك خدوم فيها دايما 
اقف مع الغلبان
لو ربنا رايد لك خير
أعمل الخير الكتير
واوعى في يوم
تكون ندمان
ولا بترميه 
في بحر
ده انت بتزود
ميزانك
ويوم ماتبقى
بين ايديه
الي مالك كل أمر
تلاقي راسك مرفوعة
ووجهك أجمل من
الورد وطيبك
أذكى من العطر 
دوس عالظلم وعدي
سكتك تكون أمان
اوعى تظلم فيها حد
أو تاكل حقوق انسان
ده الظلم ده ظلمات
تقع في الطريق
لاتشوف
نعيم في الدنيا
ولا في الجنة
ليك مكان 
ارضي ربك ترضى نفسك
وتلاقي كمان السعادة
ودول كلمتين 
قلتهملك ورزقي
على اللي خلقني
مش طالبة منك
شهادة
ولا منتظرة
منك شكر
ولا عاوزه
حنان زيادة
كل اللى بتمناه
إفادتك ..
و سعادتك
في الإجادة



مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: