عام

الشخصيه ” هلاميه ” ( الراجل الى مش عارف هو عايز ايه ؟) .

بقلم عبد المجيد عويس

الشخصيه دى ” مجهده جدااا ” فى ارتباطها بالجنس الاخر لسبب بسيط جدااا بقى وهو ( متلازمه ) ‘ انا عايز بس مش عارف انا عايز ايه وبالتالى احنا لازم نرتبط وبعدين شويه وهسيبك انا اسف بس متقلقيش كمان كام شهر هنرجع نرتبط تانى ” انت مجنون يابنى ولا ايه ؟
*شخصيه تعصبك لله فى لله كدا 
ومنين بتطور الشخصيه دى وازاى بتوصل للمرحله دى ؟
باختصار الرجاله بتطور ( مواصفاتها الشخصيه ) فى الطرف الاخر او فى البنات بناء علىً” خبرات ” وتجارب سابقه فى حياتهم العاطفيه * او حتى حياه المقربين ليهم مش حياتهم الشخصيه .
كل ما الراجل بيكبر بيكون اكثر نضجا فى 
١-حكمه على الطرف الاخر بموضوعيه اكبر . وبيقدر يعمل توازن بين ( المميزات ) والعيوب الى بتكون فى البنت نفسها .
٢- التوقعات كمان بتكون اكثر منطقيه من الطرف الاخر او البنت الى بتدخل حياته .
يعنى ايه الكلام المجعلص دا ؟
يعنى باختصار الرجاله الغير ناضجه بتدور على متناقضات فى السمات الشخصيه فى البنت الى عايز يرتبط بيها يعنى يقولك ( عايز واحده شخصيتها قويه وناجحه وطموحه ومش عارف ايه ) بس بتضايق جداااا لما يكتشف انها ( بتتجاهل رأيه الشخصى ) فى قراراتها العمليه او الحياتيه ، ويتهمها بالعند او ( مش بتسمع كلامه ) غير مدركا لحقيقه بسيطه وهو انها ( عندها ) ” مهاره تطوريه ” طورتها خلال سنين علشان تعرف تنجح فى حياتها العمليه وتقدر تكافح وتثبت نفسها فى بيئات العمل التنافسيه الى بتشتغل فيها .??
ودا مثال بسيط على المتنقضات الى الرجاله الغير ناضجه بتدور عليها واشهرها ( متلازمه ) ” الشيخه العاهره ” الى غالبيه المراهقين عاطفيا بتدور عليها الى هو البنت المتدينه جداااااا وعمرها ما اتكلمت مع راجل وشديده الالتزام وفى نفس الوقت مطوره مهارات تواصليه جنسيه وفيتشات غريبه بقى تبقى فاهماها * الى هو نفسه كراجل اخد سنين من التفاعل مع محتويات اباحيه شديده الاثاره علشان هو شخصيا مخه يبداء يطور الفيتشات دى 
* فيتش fetish يعنى حاجات ملهاش علاقه بالمثيرات الجنسيه لكن بتثير الانسان . زى الشعو الطويل فى البنت اى اللحيه عند الراجل او التدخين او الساديه والماسوشيه .
ودا مثال على النقطه دى ، 
الرجاله الناضجه بتعرف انه العند سمه طبيعيه وصحيه فى البنت الطموحه ، او انه البنت الى اتربت فى بيئه ” مغلقه ” طبيعى متكونش بنفس تطوره الانفتاحى .
وانه البنت الواثقه فى نفسها ، طبيعى مش هترتاح لو حست انه شخص ” بيهاجمهاً” انثويا . طبيعى انه الشخصيه ال high profile فى البنات تركز مع تفاصيل حياتك العمليه وطبيعى ترفض راجل بتعشقه لمجرد انه مش طموح ولسه عايش على مصروفه من مامته 
دا طبيعى على فكره اعرف شخصيه كدا رفضت راجل فى قمه الروعه لانه مجابش عربيه لحد دلوقتى ولما سألتها ( ليه مشوفتيهاش مجرد عيب موجود عنده وتعاضيتىً عنه طالما انتى ناجحه ماديا وعندك. عربيتك ؟)  ردت عليا ( عويس العربيه مقياس انه فى السن دا * وهو كان ٣٨ ومش مدرك اهميتها فى الحفاظ على خصوصيته الشخصيه مقياس انه شخص بطيء الادراك لاولويات كتير فى حياته وهيبقى فى مشاكل كبيره بينا لو اتجوزنا واحنا كدا )  ود مقنع وجميل جدا انها عارفه هى عايزه ايه .
الشخصيه الهلاميه فى الغالب بتكون شخصيه يا مدخلتش علاقات عاطفيه من الاساس ( لاسباب كتير ) بقى دى تخوفها من الارتباط commitment issues . او لانه عنده اضطرابات التقرب من الجنس الاخر approach anxiety . او لانه ركز على طموح ما فى حياته وانشغل فيه عن اى ارتباط يدخله او احتكاك عاطفى زى انه حاسس بعدم الانتماء للوسط الى اتربى ونشأفيه فركز انه يستقل ماديا ويطور نفسه ماديا علشان يخرج منه .
او حتى لو رياضى وكل يومه ضايع فى التمرين لمده سنين متواليه وهكذا .
طب هل المواصفات الى هو مش محددها دى جسديه فقط ياعويس ؟
على عكس غالبيه الرجاله العظمى الى مش محدده السمات الجسديه الثابته للطرف التانى * ودى علامه نضج على فكره انه الراجل يقولك انا مش محدد مواصفات جسديه لانه بيعرف مع نضجه انه ” الانوثه” مش مرتبطه بسمات جسديه معينه او ثابته وانه كل انثى انثى بطريقتها وسماتها الشخصيه المختلفه .
الراجل الهلامى بيكون محددها ، محددها اوى ، محددها بزياده عن اللزوم احيانا ? يعنى اعرف راجل كان على وشك انه يطلق مراته لانها عندها ( خطوط سلوليت ) وسنه بقى اقنعه انه الخطوط دى شيء طبيعى فى كل النساء فى الدنيا حتى الموديلز والمغنيات لكن بيخبوه بميك اب او تمارين رياضيه مثلا . وانه حتى الرجاله نفسها الرياضييين الى مكسرين الدنيا طبيعى بيظهرلهم خطوط سلوليت * هو انا بكتب “سلوليت ” كدا صح ولا غلط ؟ ?☺️ 
وفى الاخر الحمد لله اقتنع انه دا شيء طبيعى وصحى ومش علامه منفره ولا حاجه .
المضحك كمان انه الرجاله ( الهلاميه ) ليهم دوره ما كده بيمشو عليها ، حاجه زى cycle حياتيه كل ٣ شهور او كل ٢ شهرين او كل ٦ شهور احيانا . يعنى كل ٣ شهور بيرجع للبنت او بعد ٣ شهور اربتاط يسيبها . واحيانا بيرتبط باتنين بيبدل بينهم كل شهرين  اه والله بيعملو زمبقولك كدا . لو ركزتو هتلاقو ( نمط ) بيحافظ عليه لمده سنتين لحد خمس سنين واحيانا بيوصل ل١٠ سنين علشان ( ينضج ) 
* متنضج ياض بقى وخلصونا ياولاد الكلب  ( جائنا البيان التالى ستايل ) .
المهم ” الهلاميه ” فى الراجل انعكاس لًinsecurities كبيره وcommitment issues لطيفه برضو . ودا مش معناه انه شخص سيئ ، لكنه شخص ( خطر ) لانه * وركزىً اوى فى الجمله دى منى .
( مشكلته فى الارتباط نفسه – مشكلته انك بعد سنين مش هتوصلى معاه لمشاكل فى الارتباط اصلا ) لانه خطوه الارتباط دى الى بيتردد دايما عندها .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: