أدم وحواءعام

الحب الغير مشروط



شيرين محمد مدربة تربية إيجابية معتمده من مؤسسة التربية الايجابية الامريكية

سمعت جارتي امبارح بتقول لابنها انا هحبك لو خلصت الواجب و شويه لقيتها بتقوله انا مش هحبك لو مسمعتش الكلام انا هزعل منك ومش هحبك …. ارجوكم بلاش الجمل دي انا هحبك لو عملت كذا …. ومش هحبك لو عملت كذا الجمل دي بتفقد الطفل احساسه بالامان العاطفي اتجاه الاب والام و احنا محتاجين دايما يوصلهم ان ماما وبابا بيحبوني مهما حصل مهما عملت وده بيحسسهم بالاحتواء والامان و انتو هتفضلو تحبوهم سواء عمل اللي انتو عايزينه او لا لان حبكم ليه حب غير مشروط … انتي بتحبي ابنك مهما عمل و هتفضلي تحبيه من غير مقابل اوقات بنزعل منهم وبنتخنق من تصرفاتهم لكن هتفضلي تحبيه مهما حصل … فأرجوكم بلاش الجمل دي الطفل بيفسر الكلام ده انك مش بتحبيه وده هيحسسه بعدم الامان وهيبقي خايف لحسن ميعملش كذا فيفقد حبك ليه اللي هو كل حاجه في حياته بيخاف علي زعلك منه لما تقوليلو هزعل منك فيعمل الحاجه عشان يرضيكي لكن مش عشان فاهم اللي عمله ده صح ولا غلط هو خايف يفقد حبك ليه مش هيفهموا ابدا انك بتقولي كده وخلاص ومش قصدك المعني اللي وصلهم …. رفقا بمشاعر اطفالنا…. رفقا بعقول اطفالنا
دمتم ايجابين
رئيس قسم انت الحياه : داليا طه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: