عام

3 قصص حب القصه الاولي ( من 18 سنه)

3 قصص حب القصه الاولي ( من 18 سنه)


بريد القراء أعداد: هويدا صابر سرور 

في قصص حب البعض مننا مر بيها كانت مليانه بالخذلان وسابت في حياته جرح فضل سنين بيداويه ، وبعد الفراق بيكون في طرف ملتزم الصمت وكل أمنيته من الحياه أن مايشوفش الأنسان أللي جرحه مره تانيه حتي ولو صدفه ، غريبه رغم أنه كان بيتمني يشوفه في كل لحظه ويكمل حياته معاه ويكون سنده وضهره وجيشه وقت ضعفه ، سبحان الله فعلا أللي بينجرح أوي هو أللي حب أوي من قلبه وبأخلااااص وبتك علي أخلاص دي لأن الأخلاص في الحب بقي زي العمله النادره اليومين دول والمحظوظ أللي يقابل أنسان يحبه بأخلاص لوغلط هيسامحه ولو قصر هيعذره ولو وقع هيسنده ، هتعرفوا معني كلامي دا من ال 3 قصص دول ل3رجاله كل واحد فيهم قرر أنه يحكي قصته علي أمل أنها تكون رساله لكل رجل

تعالوا نشوف أول قصه

(من 18 سنه)

أنا دلوقتي عندي 40 سنه أتجوزت 3 مرات وعندي من أول جوازه بنت وولد ومن تاني جوازه بنت ومن التالته بنت أللي علي ذمتي حاليا أخر واحده ، من أكتر من 18 سنه كنت بحب بنت جميله وبنت ناس ومن عيله ومؤدبه جدا مافيش مكان تدخل فيه بصراحه غير لما كل الموجودين يبدوا أعجابهم بيها وبطريقة كلامها وكانت بتحبني جدا رغم أن شكلي عادي جدااا في شباب أحسن مني في كل شئ أتقدمولها ورفضت وبتخاف عليه وحطي مليون خط تحت بتخاف عليه ولو غبت عنها سنه أستحاله تبص لغيري أنا وقتها كنت لعبي ومستهتر وبعرف كل شويه واحده ، البنت دي أحلوت في عين واحد صاحبي فضل يزن علي دماغي دي ماتنفعكش سيبك منها دي مقفله وراح يكلمها من ورايه وصدته ، وطبعا الزن علي الودان أمر من السحر بعدت عنها وقولتلها عيشي حياتك وأرتبطي وكلمتها بطريقه مافيهاش أي أخلاق ولا ذوق وختمت كلامي بأني قولتلها شوفي مصلحتك بقي ، سكتت وماردتش عليه بعدها حاولت أكلمها قفلت عليه كل سكه ممكن أوصلها منها أختي كلمتها قالتلها خلاص أنها أتخطبت وهتتجوز بعد شهر وأخبارها أتقطعت ، بعد 18 سنه قابلتها في المطار راجعه من السفر لأن أنا شغلي في المطار عرفتها من أسمها بصيتلها بقولها أنتي مش عارفاني

قالتلي:عرفاك طبعا ومش محتاجه أقري أسمك عشان أعرفك وطلبت منها نشرب قهوه سوا وافقت

فقولتلها: غريبه أنتي مش متجوزه فردت قالتلي أه وأيه الغريبه

قولتلها: أزاي أنتي قولتي لأختي أنك هتتجوزي

قالتلي : عادي كدبت زي ما أنت كدبت عليه بس أنا كدبتي بيضا عشان أبعد عنك وعن حياتك وماتحاولش تلف عليه تاني بعد كلامك الجارح ليه وبعدين أنا عملت بنصيحتك ليه مش أنت قولتلي شوفي مصلحتك أهو بقيت الحمدلله ناجحه في شغلي وزي ماأنا ما أتغيرتش أنت الوحيد أللي ماكنتش معجب بشخصيتي أنت بقي عملت أيه في حياتك

قولتلها: أبدا ناجح في شغلي لكن في حياتي لأ أتجوزت 3 مرات ومافيش راحه ولا سعاده مع واحده فيهم مافيش واحده فيهم حبتني ولا خافت عليه زيك أنا عندي أستعداد أصلح كل غلطي عشانك ، وسكت وقولتلها أنتي ليه قفلتي عليه كل طريق ممكن يرجعنا لبعض حرام عليكي أنا السنين أللي فاتت دي كنت بندم في كل لحظه أني خسرتك

فقالتلي: ندمت في كل لحظه عشان بعدت عنك ماهو الأنسان مايعرفش قيمة الشئ غير لما يخسره عارف أنا بعد ما قفلت معاك أخر مره مليت طبق ميه ورميته علي دماغي ولطشت نفسي بالقلم وقولت لنفسي فوقي دا مش عارف قيمتك وحرقت صورك أللي كانت معايه وأنا بعيط وبقول لنفسي دي أخر مره هشوفك فيها بعدها دعيت ربنا ماشوفكش حتي صدفه وكنت بقوم من نومي مخنوقه وبسأل نفسي أنا فيه أيه خلاك تبيعني وكنت بصبر نفسي بكلمه واحده زمانه دلوقتي مع غيرك وبيضحك وعايش حياته أنتي كمان خدي وقتك حتي لو سنين لحد ماتنسيه لو كنت رجعتلك من 18 سنه كان زماني دلوقتي أنسانه محطمه حياتها بايظه عايشه والسلام مع أنسان مابيقدرش ولا بيحبها لأنك أستحاله كنت هتعرف قيمتي طول ماأنا معاك ويمكن كنت بقيت مطلقه وعندي أولاد منك بصرف عليهم زي حال زوجاتك السابقين ، شوف أنا أيه دلوقتي وأنت أيه أنا أسفه أللي بينا أنتهي ومش هيرجع تاني.

تمت

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock