شعر وحكاياتعام

الكورنيش

الكورنيش

سالم عباس الشولحي

الكورنيش ده مهمتى
عليه شغلى وقصتى

السواقة دى لعبتى 
لها نصيب من محبتى

كان نفسى بشغلة تانية خالص
لكن رضيت بقسمتى

شغلى صعب مهم خالص
فيه عيشى وعِلتى

مع أذان الفجـر نصحى
نصلى و نأفز لبستى

عالبحر نكون اصبح بدرى
بعربيتى وعدتى

عربية نقل وانا حريف
بيها يكون البحر نظيف

عربية كبيرة فيها حاجات
نرفع بيها مخلفات

عربية ماية زى العسل
بيها الشوارع تتغسل

مهم انا زى المطافى
نمشى فى الشارع متعافى

مهم انا زى البوليـس
سـواق شريف مش خسيس

اساعة عشرة اصبح نفطر
جبنة وفلافل بس انت تقدر

البحر عن الكل استغنى
لكن احنا مش حيقدر

اسكندرية دى عروس البحور
وفجمالها ليـنا دور

شغلتنا فيها ثواب كتير
للكبير والصغير

ناس كتير بتحترمنا
الغفير و الوزير

نتمنوا نروحوا بيها الجنان
دى النظافة من الإيمان

فى شغلى عندى كام صـديق
فيهم فالصوا وفيهم حقيق

لكن المهم دايماً ندعى
ربى اكفنى شـر الطريق .

مدير قسم الأدب و الشعر
علا السنجري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق
إغلاق
%d مدونون معجبون بهذه: