صائغ القوافي الشاعر
فهد بن عبدالله الصويغ
احنا الأغلبية و إنتو مين
إحنا البشوات يا خاينين
احنا اللي بنبني مجد بلدنا
وإحنا اللي بنعشقها يا تايهين
دي مصر أمنا ونيلها حياتنا
مسلمين ومسيحيين يا غدارين
دي ساكنة بحبها جوانا
إحنا حبايبها دايمآ مخلصين
ماننساش اللي حمى أرضنا
ولا نبعش ترابنا بالملايين
جيشنا وشرطتنا وشعبنا
من قدهم بس مين
دي الدنيا مصر هي أمها
من آلاف الاف السنين
من قبل الفراعنة واحنا بنحبها
دي هي الضي لنور العين
حنبني ونعلي ونعلم ولادنا
وحنبقى ماشيين فوق السحاب
حنكتب ع السما هي حياتنا
وان العمر من غيرها سراب
لا حد يوم يقدر يخوف شعبها
ولا حنخاف يوم من كلاب
حنتحدى الدنيا عشان بنحبها
إحنا الشعب حنتحدى الأغراب
حنكتب فيها الف قصيدة حب
وحنغني عشانها شيوخ وشباب
حيبقى غنانا لها من جوة القلب
ولا حنزعلها بكلمة عتاب
حنوقف ونتصدى لكل خاين
بسبب أو من غير أسباب
دي مصر ياناس أم المدايين
و اللي يقول غير كده كذاب
من غير مانعلم ولادنا حيحبوها
حيخلصوا لترابها عشان رجالتها
حنعلمهم بس بعيونهم يشيلوها
ويخافوا دايمآ على دمعتها
حنعلمهم إزاي دايمآ يراضوها
ويكتبوا بإيديهم تاريخ قصتها
حنخليهم يبنوا بهمه ويسعدوها
ويعملوا بس على راحتها
حنقلهم إنتوا مين اللي خنتوها
عشان ولادهم تحمي ضحكتها
حنقلهم إنتوا اللي سرقتوها
وإنكم بيعتوا وكرهتوا صحبتها
حنقول إن بسكينكم جرحتوها
وإنكم ماتمرش فيكم ميتها
حنعلمهم إنهم لازم يريحوها
دي مصر للدنيآ جنتها
مدير قسم الأدب و الشعر
علا السنجري
