شعر وحكاياتعام

قرار بسيط

قرار بسيط

عمر عبد العزيز زهيري

قرار بسيط


اوضتك دي متاهة كبيره

لكن مش سايعة الجرح

عايز تهرب مالحيرة 

أزاي طب فين الفرح 

يتهز الكون حواليه 

قلبي ما يتهزله رمش 

ومصاحبه السقف عينيه 

اللمبة تنام وما انامش 

الدنيا لابسه تراب 

ولا الأحزان بتزغلل 
دول اعداء ولا اصحاب. 

وجعي معاهم بيصهلل

الحزن معشش ساكن

والفرح يعدي ثواني 

الصبح بيصبح داكن 


والليل ليه بخيل واناني 
عايش باحلم بالماضي 


ومانيش حاسس بالجاي 

الحاضر ساكت فاضي



طب هأوصل بكرة أزاي 

أحلامك زي المجري


تلاحقها كما القشاش 

عماله بتهرب تجري 

مافضليش حلم ولاعاش 

طب خايف ليه ما تقرر 

ببساطة غير ده مفيش 

لازم مالخوف تتحرر

يمكن في الموت هتعيش ..

مدير قسم الأدب و الشعر
علا السنجري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: