عام

فضفضه … مع / حاتم رأفت

فضفضه ... مع / حاتم رأفت

المشكلات الزوجيه .

طلاق طلاق طلاق . كلمه انتشرت في مجتمعنا بشكل غريب . وكلها أسباب تافهه ممكن لو اتقالت تضحك عليها . بس للاسف بالرغم من تفاهتها . 

ألا ان واحده ورا واحده تؤدي لانهيار اسره . غمضو عيونكم الجميله . وارجعو بحياتكم وافتكرو مشاكلكم اللي فاتت وخنقاتكم مع رجالتكم وستاتكم !!! بس حاولو تكونو منصفين وصادقين مع نفسكم . 

انا سامع اهو واحد بيقولي . مره عملت خناقه مع مراتي علشان رجعت من الشغل لقيتها عملالي فول وبطاطس وبيض على الغدا … بعد ما اتخانقت قعدت مع نفسي وقول يا اخي يمكن مصروف البيت مخستك معاها وقالت يوم ويعدي ومارضيتش تشيلك الهم وتعرفك او تطلب زياده في المصروف وتزنقك . يمكن تعبانه وماقدرتش تقف تطبخ . من حقها . هي مش ماكينه. بصراحه ندمت اني زعلتها . 

فضفضه ... مع / حاتم رأفت


واحده بتقولي مره زمان اتخانقت مع جوزي علشان طلبت منه فلوس اشتري حاجه وقالي مش معاه . واديتله ماخلتلوش . ولو سجايرك خلصت مش هاتجيب غيرها . لو بنزين العربيه خلص مش هاتمون . لو امك طلبتك مش هاتروحلها . بصراحه هو مارضش عليا بس سابني ونزل وانا قعدت لوحدي وفكرت وقولت لنفسي . هو موظف . دخله ثابت . يمكن فعلا مش معاه وخصوصا انه مش بخيل . وكان ممكن اخد اللي انا عاوزاه من غير ما اجرحه بالكلام حتى لو انا شايفه كلامي صح . مش كل الصح يقال . في كلام صح كتير في حياتنا بس بيوجع ويجرح . وندمت اني زعلته …


دي نماذج من مشاكل معظمنا . وناهيك بقى عن المشاكل المستحدثه وخربت بيوت .. 
اصل انا نزلتله بوست على الفيس والبيه مش فاضي يرد عليا . ولو البيه عملها لايك او قلب . الاستاذ مش فاضي يكتبلي كلمتي . قصده يحرجني في وسط الناس . ..

فضفضه ... مع / حاتم رأفت


يالذمه يا ناس ده منطق . عمر التعبير عن الحب والاهتمام ما بيكون بالبوستات والمنشنات يا ناس يا عاقله .

الحب موده ورحمه ومعامله . الاهتمام اني اشوفك تعبانه اعذرك .
 اشاركك نجاحك وافراحك . اشوفك حزينه اطبطب عليكي .
 ادخل البيت الاقيه نظيف ومرتب والاكل معمول وبتستقبلي جوزك بكلمه حلوه وابتسامه جميله . 
الحب مش بوستات وكلام جميل في رسايل يا جماعه .
الحب زمن الخطوبه غير الحب بعد الجواز غير الحب بعد الخلفه وزيادة المسؤليات على الطرفين . 
افهمو كده وانتو ترتاحو . ايام الخطوبه ماكنتوش تملكو غير الكلام . كان هو الطريقه الوحيده للتعبير عن المشاعر . بعد الجواز الحب والاهتمام بيبتدو ياخدو شكل تاني واسلوب التعبير عنهم بيختلف . بعد ما بتخلفو بيظهر واحد تالت في وسطك بيشارك التاني الاهتمام والحب . وهنا بتحسو ان الفجوه كبرت بينكم . 
الفجوه ماكبرتش . المسؤوليات هي اللي زادت . الاهتمامات اتقسمت . الأولويات اختلفت . 
فكرو في كلامي واعقلوه . لو شايف انه صح . ابتدو غيرو وجهة نظاركم في الحياه . ونصيحه . حاول تسعدو نفسكم . الحياه قصيره مش لازم نقضيها في نكد ومشاكل تافهه بتدنر حيتنا وتدمر نفسيتنا .

واهي مجرد فضفضه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: