عاممقالات

رامز تحت الصفر .


 رامز تحت الصفر
فضفضه … مع/ حاتم رأفت 
رامز تحت الصفر برنامج الكثير يجدوه شيق والبعض يروه تافه ومقزز . وجهات نظر وكلها نحترم . 
مش ده موضوعنا . 
احنا موضوعنا سؤال بيتسأل ولد جوايا مليون سؤال .
السؤال الشهير للكابنن . مجدي عبد الغني 
مين اهم للمنتخب ؟ محمد صلاح ولا كوبر ؟ 
سؤال يبدو انه عادي جدا . والضيوف كلهم طبعا يقولو محمد صلاح 
السؤال ده خلاني أسأل نفسي اسأله كتير اوي 
هو احنا ليه لا نؤمن بروح الفريق ؟ ياتري دي انانيه ولا نرجسيه ؟ 
هو ينفع لاعب يلعب من غير تدريب ومن غير خطه ؟ هو ينفع مدرب يحط خطه ويدرب ومفيش لاعبين ؟ 
هو احنا ليه ديما لازم يكون في حياتنا اله ؟ 
الكلام ده مش تقليل من قيمة محمد صلاح . ولا تعظيم من كوبر . وعلشان اجيبها على بلاطه انا علاقتي بالكوره زي علاقتي برالرئيس الامريكي . يعني ميح بصراحه .
بس انا لفت انتباهي سبب من اسباب فشلنا . 
كل واحد عاوز ياخد اللقطه والشاطر اللي يكون شكله اشيك في الصوره . 
محمد صلاح لاعب ممتاز ومجتهد وهو فخر لكل مصري . زي الدكتور مجدي يعقوب والدكتور زويل ونجيب محفوظ وكتير من رموز النجاح . بس محمد صلاح من غير مساعدة زمايله مش هيقدر يحقق النجاح ده . 
يا جماعه لو كل مجموعه حطت اديها في ايد بعض واشتغلو بروح الفريق بجد والله ممكن نحقق نجاحات مانحلمش بيها . 
لو جمعنا فرقه من خمس اشخاص . كل شخص موهوب ف حاجه وحطو اديهم في ايد بعض واخلصو لبعض من غير نوايا خفيه . والله هنكون اعظم شعب واكبر دوله . 
فكر في فكرة مشروع واعمل ليك فريق عمل . في واحد موهوب في التصميم . واحد موهوب في التسويق . واحد موهوب في الاداره . وتكون العلاقه بينكم اكبر من الصداقه والاخوه . وحطو ايدكم في ايد بعض . انا واثق من نجاحكم . 
انا نصحتكم . اتنصحتم اتنصحتم ماتنصحتوش ماتنصحتوش
واهي مجرد فضفضه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: