شعر وحكاياتعام

صرخة ألم


صرخة ألم

بقلم /رياض السعد
ياحيف كيف اتبدّلت عاداتنا
        وكيف غيرت نص البشر حلاّسها 
بات النفاق مأسس بجلساتنا 
           والكذب شارك هالخلق بإنفاسها
والمصلحة مقياس كل غايتنا
             والبعض غير للمبادئ قياسها 
صار القرش يخفي وراه زلاتنا 
           ويرفع وضيع القوم عانبراسها
أما الوصولي اللي استغل أزماتنا
            أصبح عزيزا حاكما في ناسها
أمست بعيدة عالنظر حاجاتنا
             وكل الخلايق أعلنت إفلاسها
ماعاد نقدر على ثمن خبزاتنا
              وتجارنا شربوا عليها كاسها
مافي حدا عم يسمع لصرخاتنا 
         والناس تعبت من كثر هوجاسها
حان الوقت نحكي على علاتنا
        نشوف الخلل الي ضرب بساسها
ونحط أصبعنا على جروحاتنا 
           بعض البشر اتخذت بإحساسها

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock