شعر وحكاياتعام

وساعات بنتوه.

وساعات بنتوه

بقلم سناء عبد الوهاب
وساعات بنتوه. 

وننزل من السما عالارض 

وساعات بنعاند القسمة 
ونتصارع في رد الخوف 
وكل ماتشتهينا حياة
نشوفها الموت 
‏ونلضم حلمنا بالضي 
فيخدعنا ونمشي سحاب
يجمعنا ونرسم ورد 
‏يطرح دمع وقت الشوك 
‏ونحمي البسمة وتفارق 
‏كان طريقنا وقت غيابنا
‏ مابيرويش ضلوع حنت 
‏كان عذابنا من عتمة ظروف 
‏مكفوف وليه ياوريدي
‏ بيقاسمك في حضن الدم 
‏وليه في الهم بيفارقك
‏ وليه عدك في وقت البعد 
‏مابيرضيش وجينا وروحنا
‏ برضوا مفيش حبيب يهتم
‏ وكل العجز من نقصانه في الوجدان
‏ وليه مسلوب ردود الحي
‏ وليه ذاتك صبح مرضان 
‏وليه تتخان وكانوا كفوفك الجنة 
‏وكنت البردة وقت أما يعانوا في يوم 
‏وليه المقسوم دا فرض 
‏ومش بيرفضنا 
‏وليه الضد من ذاتنا
‏ ومااخترناش نكون
‏ نفس الشبه كربون 
‏وروح من اصل صورة لروح 
‏وتل جروح سكن واتمكن النني
‏ وليه يبعد وتستني 
‏وتتمني أنه يرجع يوم 
وليه كل اللي قال مهموم 
صبح كداب وليه استغربك رحمه
في ضعف جواب 
وكنتي كتابه 
وليه شفراته كانت صعبة
ماتنحلش وكنتي ازاي عروسة 
‏ودومية من الأوراق 
‏ضناكي كان سبيل توهة 
‏وحضن يضم مايبيعشي 
وليه يمشي وتستني
وليه في البعد تتمني
‏ ويتسني في ليلك خوف
‏ يااخر حجة في ضلوعي
‏ كفاية عزوف بتبعدي ليه 
‏عن الدنيا وليه الدمعة 
‏سبقاكي وكل ماترتءيه دنيا 
‏يشوفك من طريق تاني
‏ وقولتي اناني كام مرة 
‏وكام مرة لقيكي طريق 
‏لناس تانين وليه تايهة 
‏وضاله حياة وليه عنيكي
‏ عليه باقين وكل سنينك 
‏الاشباح محاوطاكي
‏ وليه ضلك صبح مكسور 
‏وليه البذرة مابتطرحش
‏ وارضك بور 
وكل ماتنتبه ليكي تكوني جذور 
ودابت من زيادة ويل
وليه التضليل بقي حماية 
‏من الا شي
‏ وليه البط في النسيان
‏ بقي عادة
‏ وليه معتادة تتسابي 
‏بدون تفسير

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: