شعر وحكاياتعام

وايه يعني



وايه يعني
بقلم / ( شرين سعد أحمد )
شاعرة جنوب الوادي
#شرين_سعد_أحمد
*****************
وإيه يعني أكون تعبان 
والاقي نفسي موجوعة 
وفجأة أكون مريض سرطان 
وفيا آلامي مزروعة
،،،،،،،،،،،،،،،،،،،،،،،
دا ربي أراد يخليني 
أعيش في أصعب الأزمات 
بصبري فوق يعليني
ويرفع أجري بالدرجات
،،،،،،،،،،،،،،،،،،،،،
أنا محارب أنا مقاتل 
أنا بإيماني مش خايف 
وهنزل شغلي وهقاتل 
وحب الناس أنا شايف
،،،،،،،،،،،،،،،،،،
بضحكة وشي هقابلكم
وع الشاشة هتلقوني
بفرحة بكرا أنا شايفكم
فشوفوا أملي في عيوني 
،،،،،،،،،،،،،،،،،،،،،
شريف اسمي وله معنى 
ومعنى حروفه راح أقولها
بلاها الحزن يوجعنا 
وحتى النجمة راح اطولها
،،،،،،،،،،،،،،،،،،،،،،،
( شين ) شاركوني في حكايتي
هكون بيكم أنا صامد
( وره ) راعوني في هوايتي
واني لربي أكون حامد
،،،،،،،،،،،،،،،،،،،،
(ويه) يومي بيكم يكمل 
فيلا يسرعة تابعوني
( وفه) فعلا يكون أجمل 
لو بدعاكوا تهدوني 
،،،،،،،،،،،،،،،،،،،،،
دعيت المولى يحفظكم 
ويبعد عنكم الأحزان
بكل الخير ويكرمكم
في أي مكان وأي زمان
،،،،،،،،
إهداء إلى الأستاذ 
شريف مدكور 
مع خالص دعواتي لك بالشفاء العاجل

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock