أدم وحواءعام

النرجسي لا يؤثر على الشخصية القوية

كتبت /نهى علي
 
النرجسي له بدايات مهمه فى حياته منذ الطفوله تنتج عن مشاكل أسريه أو عدم إحساس بالأمان ولذلك ينتج شخصا مذبذب الشخصيه ويؤثر على من حوله وخصوصاً أولاده ومن هنا نبدأ الحكايه وعند بلوغ أولاده بالنضج تزداد المأساة خصوصاً مع أقرب الناس له ولو كنتى أنتى أيتها الزوجه كل ما كنتى قويه كل ما زادت النرجسية
 
ابن الشخص النرجسي سيكتشف أن آباه شخص مضطرب وسوف يبتعد عنه ليتمكن من علاج نفسه ويغير حياته بالشكل الذي يختاره بعيدا عن الأب المتسلط. لكن المثير للاهتمام هو ردة فعل هذا الاب تجاه تعافي ابنه نفسياً وابتعاده عن سلطته، إذ يحس بالهلع والخوف على وجوده، وسيبحث عمن حرض ولده عليه، ويهاجمه ويقاطعه حتى لو كان شخصا مقربا منه، مما يبين مدى أهمية حاجات الأب النرجسي العاطفية، وكونها أهم من حاجات الابن النفسية والعاطفية في نظره.
 
– النرجسي مبيغلطش ومبيعتذرش ومبيعترفش بأي أذى سببه لأي حد ومتعمد اللي بيعمله وعارف تأثيره كويس. 
 
يرى نفسه كاملا مفيهوش غلطة وبيلوم أي حد تاني على غلطاته.
 
ما فائده المواجهة وإنك تقول له على فكرة انت مش زي ما انت شايف نفسك؟
تفتكري رد فعله هايكون أيه !! 
هل هايعترف مثلاً أو يصحح غلطه؟ انتي ساذجة لهذه الدرجة فعلا ولا بتحاولي تضحكى على نفسك؟
 
_أنتى عارفه كويس أنه مش هايعترف بل بالعكس هايتمادى فى الإسقاط عليكى كمان هاتزيد من نرجسيته .
 
– انتي عارفة كويس إن اضطرابات الشخصية صعبة العلاج جدا إن لم تكن مستحيلة. 
دة لو الشخص اعترف أصلا إنه مريض ومحتاج يتعالج وقبل يروح لدكتور، وما حاولش يقنع الدكتور إن انتي اللي مجنونة ومحتاجة علاج! 
دا حقيقي فين الأمل اللي انتي ماسكة فيه؟
 
_اللي في علاقة مع نرجسي عارفة كويس شكلها إيه ثورات الغضب دي وبتؤدي لأيه.
الغريب أن الكثير يستدعي ثورات وأستفزاز النرجسي ما هى الإفادة؟ 
انتي عارفة إنه ما بيقبلش أي لوم عادي ، وبيعتبره إهانة شديدة وهجوم، وبيرد بعنف وإيذاء وإيلام متعمد نفسي ولفظي وجايز جسدي كمان، وبيسخر ويتريق ويشتم ويعاقب بالصمت وبوسائل كتير، وجايز يمد إيده كمان، فما بالك لما تواجهينه بحقيقة نفسه وتصرفاته اللي هو نفسه بيخاف يواجهها… إيه اللي هاتكسبيه؟
 
– الأهم بالنسبةليكى ولأولادك : انتي ليه لسة مهتمة تصلحيه وده كل تركيزك؟؟ 
 
خلينا نفكر بطريقة علمية بل هى عملية أكثر ولمصلحتك ،
هى أنك تفوقى لنفسك وتهتمي بنفسك وتصلحي التدمير الرهيب اللي حصل لك بسببه!! 
 
فوقى وحافظى على ما تبقى منك ومن أولادك أبدأي بنفسك وتجاهلي كل شئ فى سبيل النضوج بالفكر .
 
كونك لسة برضه بتحاولي تصلحيه ده معناه إنك تحت تأثير نفسي رهيب ومحتاجة تفوقي وتطلبي مساعدة احترافية من متخصص نفسي. 
 
– لو غرضك من كده إنك تنتقمي لنفسك، برضه ده معناه إنه لسة شاغل حيز من تفكيرك وإن تركيزك عليه مش على نفسك. أسوأ عقاب للنرجسي تجاهله تماما!
 
– الحقيقة المرعبة أنه عارف كل التفاصيل من حوله ومراقب جيد بل ممتاز لنظراتك وأنفاسك كمان ! لأنه بيراقبك حتى وأنتى نائمة ومنهمكة فى بيتك ومراقب جيد لكى على الفيس والتواصل الاجتماعي وقاعد معاكي في كل حتة. لو هو نرجسي فعلا، المراقبة والتجسس والتطفل دي لعبته لإنها من وسائل السيطرة. أظن إنك برضه عارفة دة كويس! ليه لسة بتضحكي على نفسك؟
 
فالخلاصة هي: 
لو فعلا عايزة تتعافي، قاومي التفكير فيه كشخص بكل وسيلة. بصي في المراية وشوفي نفسك والتدمير اللي حصل لها. حطي كل تفكيرك وتركيزك ومجهودك في استعادة نفسك اللي فقدتيها في علاقتك معاه.
 
غير أنك لازم تهتمى بحياتك العمليه أشغلى نفسك بكل ما هو مفيد للعقل خليكى قويه غير قابلة للكسر أو حتى للخدش 
 
صحتك بالدنيا 
سحر الحياه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق
%d مدونون معجبون بهذه: