شعر وحكاياتعام

ناس و ناس


ناس و ناس 

بقلم : إخلاص عبد المحسن

في ناس تموت في دهب و ف ماس
و ناس بتحلم بس تعيش
ناس عايشه بطمعها وسط الناس
و حياتها غدر و ظلم و غش

ناس تدي و ما تستناش رد
و ناس لا يمكن تدي ل حد
و ناس بتاخد بس و عايشه
في وسط الناس بمليون وش

ناس ماشيه فاكره الدنيا دي دوم
و ناس يادوب بتعيش اليوم
و ناس في حزن يوماتي تعوم
وناس كتير عايمين ع الوش

ناس كارهه اصلا حتى تعيش
ناس همها في الدنيا العيش
و ناس كتير نايمين ع الريش
و ناس كتير مش لاقيه المش

ناس وشها غضب الله عليه
ناس وشها الحزن ماليه
وناس وشها يخليك تتفائل
و ناس في القلوب بتفوت و تخش

ناس قاعده بتعد ف ملاليم
و ناس بتلعب بالملايين
ناس فرشها في الدنيا حرير
ناس تانيه واخده الارصفه فرش

في ناس و ناس في الدنيا كتير
ناس حلوه وحشه و شر و خير
و ناس تشوفها قلبك ده يفرح
و ناس تشوفها تخاف و تكش

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock