أخبار وفن

تولين_البكري يلي بدو يزعل يزعل استحوا ولوو!!

هذا ماكتبته الفنانة "تولين البكري" عبر حسابها:

متابعة محمود النهير

كتبت الفنانة تولين البكري عبر حسابها الشخصي أحد مواقع التواصل الاجتماعي قائلة :

“كلمتين واللي بده يزعل يزعل..
هي الناس اللي نازلة طج بوستات عن القطيع اللي فلت بالشوارع اليوم بحب قلهم خليكم بمدينتكم الفاضلة وتركوا الناس بهمها….
هي الناس اللي نزلت اليوم صرلها شهر محجورة ببيتها بدون شغل وبدون دخل وبدون ما حدا يقلها شو لازمك…
ما نزل( هالقطيع) ليتسيرن ولا نزل وخاطر بصحته لأنه جاهل… نزل لأنه مجبور… نزل لأنه سمان حارتهم صار بده يجمع ملايين من الحجر.. نزل ليشتري طبخة من سوق الهال أرخص بمئة ليرة ليوفرها لأولاده…. او نزل ليدور على رزقة يطعمي ولاده منها…
لما كيلو الليمون بيصير سعره 2500 ليرة لا تسأل ليش نزل (القطيع) عالشارع…
لما كيلو اللحمة سعره 12000 وكيلو الدجاج 2500 والزيت والسمنة والسكر والرز والبرغل والبصل بحلقوا للسما لا تسأل ليش نزل (القطيع) عالشارع…
هي الناس مافيها تاكل بسكويت… هي الناس بدها تاكل خبز من خبز الحكومة ولو مفتفت مو محبة فيه بس لأنه حق الربطة 50 ليرة….
حلوا عن كتف هالناس وارحموها شوي….
ولكل حدا بيوصف هالناس بكلمة (قطيع) بحب قله كلمتين…
هاد القطيع هو أهلك وناسك وأولاد بلدك اللي بلاهم انت مابتسوى حق الكهربا اللي صرفتها عالنت وانت عم تتفزلك بمنشورك….
استحوا ولوووووووووووو

تولين_البكري ابتعدوا عن حياتي الشخصية وسأقاضي قانونياً

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: