أخبار وفن

“لوتس مسعود” وسط فني سوري،،وسط!!

وهذا ما كتبته عبر حسابها الشخصي

متابعة / محمد العمر 

كتبت الكاتبة الشابة “لوتس مسعود” ابنة الفنان “غسان مسعود” بوست عبر حسابها الشخصي على إحدى مواقع التواصل الإجتماعي عبرت من خلاله عن شعورها تجاه الوسط الفني مؤكدة اننا أصبحنا ننصدم بنتيجة الفن السوري.

وهذا ما كتبته :
“وسط فني سوري ،، وسط”

أول مرة حأحكي عن موضوع يمكن كتار يشوفوا انو بكير إحكي فيه ،، بس وجودي ضمن الوسط الفني عبكير كتير بسبب مهنة والدي و تواجدي بالأماكن اللي بيتواجد فيها ها الوسط من لما بلشت إمشي إما بمسارح ، بسينمات ، بلوكيشنات تصوير خلاني إحكي عن الموضوع اللي بدي إحكيه يمكن “عبكير” …

وتابعت :من لما وعيت عهالوسط الفني و أنا بسمع انو فلان سب عفلان لإنو فلان أخد هالدور من فلان ، و فلانة حكت على سمعة فلانة لأنو فلانة زبطت المخرج فلان قبل هالفلانة ، و هالمسرحية ناجحة لو ماكانت هالممثلة بطلة فيها ، و هالفيلم فاشل لو ماكان هالممثل بطل فيه ، و فعلا ماكنت افهم شي من شي بس كنت حس هالوسط الفني مدينة ملاهي مو معروف أولها من آخرها و مو معروف اللي فوق فيها من اللي تحت !! كبرت شويتين و صرت شوف الوسط عن قرب أكتر و بعيون مفتحة أكتر و صرت شوف انو اللي كنت شوفو من قبل و انا صغيره و حسو مدينة ملاهي طلع سهلللل و لطيييف مقابيل اللي عم شوفو بعد ماكبرت ، القصة ماعت فلان وفلانة ، القصة صارت ممثل عندو مشكلة مع ممثل مو بس لإنو موهوب ، لا لإنو هاد الممثل ما بياخد المخرج “…….” و بيسهرو كل كم يوم عحسابو ليعطيه دور و مع هيك الناس شايفه هالممثل موهوب بدون منية حدا !! و هالممثلة عندها مشكله مع هالممثلة مو لأنها آخدة دور البطولة ، لا لأنها ما بتعرف تسب عكل العالم و تزفر عكل العالم و تحط بذمتها كل العالم و بنفس الوقت تقعد عطاولة كل العالم ،، و هالصحافي ،، بيدقلك تلفون او بيبعتلك مسج ليعظم فيك و بعد شوي بيكون قاعد عطاولة عم يلقي محاضرات بفن الإخراج والتمثيل و الكتابة و التنفس حتى و هو رأيو حسب الخرجية اللي بتوصلو كل شهر بيقلب ! و مسلسلات و أفلام و مسرحيات بتنعمل ضمن هالآلية لنوصل لنتيجة الفن السوري اللي عم نوصلها كل مرة و ننصدم فيها كل مرة !! علماً انو نحنا نفسنا منكون متورطين بهي الآلية و محركات رئيسية بالمكنة تبعها …
القصة طلعت مو قصة نص ولا قصة ممثل مو موهوب بغير مكانو ولا قصة مخرج أصغر من مهمتو ،، القصة قصة مزاج عام سائد بوسطنا الفني السوري عم يحكم نتيجة كل شي منعملو و يبعدو أكتر عن خريطة الفن بدول العالم التالت حتى قبل مانتجرأ و نقول دول العالم ككل …

إقرأ المزيد عملاقا الدراما منذر رياحنة وغسان مسعود في “العاشق صراع الجواري”

وأنهت الحديث قائلة :كنت بتمنى انهي هاد الحكي المطول كلو بإني قول وسطنا الفني السوري وسط ،، بس للأسف كتير شي سيء و انا بهاد العمر و لسا ماشفت شي من هالوسط مفروض ، إني قول وسطنا الفني السوري أقل من الوسط بكتير ،،، يا ريتو وسط…

وجدير بالذكر أنه تم عرض فيلم من إخراجها منذُ أيام ضمن مهرجان سينما الشباب والأفلام القصيرة السابع يحمل عنوان “أول يوم” وأيضاً هي كاتبة الإعلان الشهير “دارنيتو” الذي تم عرضه هذا العام.
وهو من إخراج شقيقها “سدير مسعود”
وتمثيل :فايز قزق_عبد المنعم عمايري”.

إقرأ أيضا  “رنا العظم “تجربتي الأولى في اللهجة البدوية كانت ناجحة وأحلم بتأدية الشخصية المركبة.

اعتزال عبلة كامل يثير الجدل “إليكم التفاصيل”

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: