شعر وحكايات

أنا بطلة

رحلتي مع السرطان

#أنا_بطلة
لو شايفين ان انتم كمان ابطال ابعتو لنا قصتكم وهننشرها عشان الكل يستفيد

أنا يتيمة أب من وأنا في اعدادي وام من وانا في جامعة اخدت حقوق  في سبع سنين كنت فاشلة جدا في نظر الكل واني مش هافلح خصوصا بعد ما أمي ماتت فضلت اعافر واقول علي الاقل يكون معايا شهادة وفضلت لحد مااخدتها

اتخطبت وانا في رابعه جامعه واتجوزت وكان زوحي راجل في منتهي الحنيه اللي في الدنيا وقولت ده عوض ربنا انا بشتغل من وانا في تانيه جامعه وفضلت اشتغل وقررت اخلف طلع الحمل صعب عندي علشان عندي التصاقات في اعضاء جسمي بسبب ان جالي السكر وانا ٢٠ سنه وماكنتش مهتمة بيه انا شخصية ملوله ومابتحبش تلتزم بكلام دكاتره عملت حقن مجهري وحملت وخلفت ولدين تؤام الله اكبر كانت الظروف المعيشية بتاعتي انا وجوزي صعبه جدا وديون وحوارات بس هوه كان راجل بمعني الكلمه

ويشاء القدر انه يتوفى في حادث عربية ويسيبلي الولدين وهما سنتين ونص نسيت صحيح لما حملت في ولادي كان عندي هاجس ان ممكن حد يطلع عنده مشكله توحد اعاقة حاجة كده ده خلاني اقرا كتير

وقررت اني ادرس عملت دبلومه تربوي ونجحت فيها بتقدير جيد جدا وبعد وفاة جوزي كملت وعملت دبلومة مهنية في التخاطب و نجحت فيها بتقدير جيد جدا وبعديها كملت في دبلومة خاصة والحمد لله  نجحت فيها بتقدير جيد جدا وحاليا انا في ماجيستير تربية خاصة

وفجأة الفاشلة اللي كانت في حقوق بقى بيتقال ليها يادكتورة وعيشت وتعايشت لحد مافجأه جالي سرطان ثدي شيلت الورم الحمد لله كان مرحلة اولى واخدت علاج اشعاعي وحاليا في مرحلة العلاج الهرموني اتمنى اني افضل بنفس قوتي واكون احسن وافضل موجودة في حياة ولادي لحد مايقفوا على رجليهم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: