بقلم الشاعرة سناء عبد الوهاب
أنا قولت أفضل اطارد الساعة
وأشوف عيونه واغازل الضحكة
يهزمني خوفي في الطريق
وارجع والقى الحنين يملكني
بالتدريج إزاي في خطوة تاخدني
والتانية ترجع بقلبي الف خطوة تضيق
ياحصار بشوفه كل ده يتفك
وغريق بينجوا من صدى صوتك
في البعد وحدي بتوجع بالوقت
في القرب منك مش بيستنى
إزاي ونفس الساعة لا تغير
وازاي بغير لوشوفت في عنيك حبها
بيصيب دموعي الانكسار وقتها
ويصيب ضلوع الافئدة مكتوب
مكسور ياقلب بدونه مش عايش
مغرور ياقلب بدوني مش مجروح
الفرح لحظة بيجي لحظة يروح
والحزن كنز ملك لينا وبس
ملكوت لكل البشر
وانت في غير ملكوت
