ثروت بديع
……………………
مع أخر شعاع م الليل
احدد انا جديدى
تضحك تجاعيدى
ارسمها تجريدى
تجدل جدايل حب
تغزل قصايد صبر
تحضن رباعية
ويعلا تغريدى
تمرق سهام العمر
ولسه بعشقها
سهامى أرسمها
ورقة وحبة حبر
و ارجع ارشقها
فى قلوب حجرية
تصبح قلوب من تبر
تعشق فى انسية
بنت جنية
واغزل مواويلى
واميل على ليلى
اميل على عمرى
اقول له يا معدى
قوللى رايح فين
يقول و مين يدرى
انا كنت جاى منين
و ليه خطفنى حنين
لقلة و ضلاية
وبنت بملاية
ورنة الخلاخيل
وليه صهيل الخيل
صحانى ليه م الحلم
وليه ضل الشمس
فكرنى بطفل الامس
والحب والذكرى
ومع ان ضى الشمس
راسمنى انا و بكرة
بنحلم بسنيورة
و ليه يقى ف الصورة
ضحكت تجاعيدى !!!!
