هبه رجل الغراب
السم في العسل
مسلسل هبه رجل الغراب كتير مننا مشدود لاحداث المسلسل وبالاخص الاطفال للاسف وغالبيه الاهالي مبسوطين وبيتجمعو وقت المسلسل ويندهو لبعض يلا ياحبيبي يلا ياحبيبتي يالا ياابو العيال المسلسل بدا والكارثه اننا مش واخدين بالنا اننا بندس السم لاولادنا حد فيكو خد بالو ان الابطال فريده وادهم عايشين مع بعض من غير زواج وكذالك صديقتها بيري والريسيبشنست اللي كل يوم مع راجل شكل وهي مطلقه وصديقها اللي شايف كل ده وعادي في النخوه والرجوله ومصمم الازياء وطريقته الفجه المقززه وكل ده احنا بنتفرج عليه وعااااااااااااادي جدا وبنضحك علي المواقف وكل همنا عايزين نشوف هبه هتحلو امتي ابنك لما يكون قاعد جنبك ويسمع لفظ انتي مصاحبه ويسألك يعني ايه مصاحبه يامامي يعني بالبلدي كده بنت صايعه وماشيه علي حل شعرها هل ده خلاص بقا شئ عادي في مجتمعنا الاطفال دول لسه ورقه بيضا بنرسم فيها خطوط وطرق الحياه بتاعتهم من اولها كده نرسم خطوط عوجاء مليانه مطباط فوقو وخلو بالكو المسلسل ده كارثه اخلاقيه شنيعه في حق مجتمعنا واطفالنا وشبابنا مش هطول عليكو عشان انا مفروسه الصراحه كل اللي اقدر اقول حافظو علي افكار اولادكو من السم المدسوس في العسل
بقلم
مها نور
